:18 اگست 2020(فکرو خبر/ذرائع)راجستھان کے وزیرمملکت برائے محنت ٹیکہ رام جولی نے کہا کہ عوام کے تعاون اور یقین سے ہی حکومت اتنی بڑی مصیبت سے مضبوطی کے ساتھ نکل گئی۔
مسٹرجولی نے یہاں موتی ڈونگری کانگریس دفتر میں آج عوامی سماعت کی۔اس سماعت میں شہر اور دیہی علاقوں سے آئے لوگوں نے ان کے سامنے اپنے مسائل رکھے جس پر وزیر نے لوگوں کے مسائل کو سن کر متعلقہ افسران سے فون پر بات کر کے مسائل کو حل کروایا۔
اس موقع پر میڈیا سے بات چیت میں مسٹر جولی نے کہا کہ حکومت کو غیر مستحکم کرنے کے لیے بھارتیہ جنتا پارٹی(بی جے پی)نے کوئی کسر نہیں چھوڑی تھی۔انہوں نے کہا کہ بی جے پی نے پہلے گوا پھر کرناٹک، پھر منی پور اور پھر مدھیہ پردیش حکومتوں کو غیرمستحکم کیا اور پوری کوشش کی وہاں کی حکومتوں کو ہٹانے کے لیے۔
انہوں نے کہا کہ راجستھان ہیروز کی سرزمین ہے یہاں آکر سب کے دانت کھٹے ہوجاتے ہیں تو پھر بی جے پی کیا چیز ہے۔جولی نے کہا کہ ان کے پاس کارکنان کے بھی فون آئے اور سبھی نے یہی کہا کہ کام نہ ہو کوئی پریشانی نہیں لیکن پہلے حکومت بچائیں کیونکہ یہ جمہوریت کی لڑائی ہے اور جمہوریت کو بچانا سبھی کی ذمہ داری ہے۔