اپنی اولاد کو اسلامی رنگ میں رنگانے کی فکرکریں : مولانا عبدالباری ندوی

مولانا موصوف نے تاریخ کی مثالیں پیش کرتے ہوئے کہا کہ اللہ کے رنگ میں رنگنے کا مطلب اس کے احکامات پر سوفیصد عمل پیرا ہونا ہے اور منہیات سے رکنا۔ انہوں نے کہا کہ اصلاح البنات مدرسہ سے اسکول کی شکل اختیا ر کرگیا ہے ۔ اسلامی رنگ اس کا شعار رہا ہے اب ذمہ داروں کا کام یہ ہے اسی شعار کو باقی رکھا جائے۔ اس موقع پر اصلاح البنات کی ویب سائٹ کا اجراء مولانا عبدالعلیم قاسمی کے ہاتھوں عمل میں آیا۔ جس کا تعارف جناب نوید مصباح صاحب نے پیش کرتے ہوئے کہا کہ اس میں اسکول کے متعلق تمام چیزوں کی معلومات دی گئیں ہیں۔ اس کے علاوہ طالبات کے سرپرستان ضروری اعلانات کی معلومات ویب سائٹ کے ذریعہ حاصل کرسکیں گے ۔ اس کو اردو اور انگریزی دونوں زبانوں میں تیار کیا گیا ہے ۔ ملحوظ رہے کہ اس موقع پر ننھی منی طالبات کا ایک دلچسپ پروگرام پیش گیا تھا۔ جلسہ کا آغاز مریم بنت مولانا محمد عمران اکرمی ندوی کی تلاوت سے ہوا ۔ حمدیہ اشعار فردوس بنت اعجاز نے اور نعت عائشہ بنت فضل الرحمن نے پیش کی ۔ حاضرین کی خدمت میں استقبالیہ کلمات مولانا محمد حسین ندوی نے اور شکریہ مولانا رضوان ندوی نے پیش کیے ۔ نظامت کے فرائض مولانا عبدالعظیم معلم ندوی نے بحسن خوبی انجام دئیے۔ قاضی جماعت المسلمین بھٹکل محترم مولانا محمد اقبال ملا ندوی کی دعائیہ کلمات پر اس جلسہ کا اختتام ہوا ۔ اس موقع پر جناب عبدالغفور صاحب اور عمائدین شہر کی ایک بڑی تعداد نے شرکت کی ۔