سونا اسمگلرس کی وجہ سے منگلور ایرپورٹ ایک بار پھر سرخیوں میں

کاسرگوڈ کے کولاوایل کے مقیم اتھی یال پرمبو (39) کے پاس سے 709.6گرام کا سونا ضبط کیا گیا جس کی قیمت انیس لاکھ اکیاون ہزار چارسو روپئے بتائی گئی ہے ۔اسی ہوائی جہاز سے منگلور پہنچنے والاموسیٰ (32) نامی مسافر سے بھی سونا ضبط کرلیا گیا ہے جس کا کل وزن 683.6گرام ہے اور اس کی قیمت اٹھارہ لاکھ اناسی ہزار نو سو روپئے بتائی گئی ہے ۔ یہ دونوں مسافر بدھ کے روز صبح پاؤنے آٹھ بجے بذریعہ جیٹ ایرویس منگلور انٹر نیشنل ایرپورٹ پہنچے تھے۔ یہ آپریشن ڈپٹی کمنشر آف کسٹم کرشنا پرساد کی نگرانی میں انجام دیا گیا ۔ مزید تحقیقات جاری ہیں۔