الال سمندر میں دو سیاح ڈوب کر پانی کے حوالے(مزید مضافاتی خبریں )

یخ وپکار سننے کے بعد ساحل پر موجود آسٹریلیا سے تعلق رکھنے والے ایک انجینئر نے سمندر میں چھلانگ لگائی اور تین کو بچانے میں کامیاب ہوگیا جبکہ دو جاں بحق ہوگئے ہیں ۔ جاں بحق ہونے والوں کی شناخت مہرالنساء (60) اور مشتاق (14) کی حیثیت سے کرلی گئی ہے جبکہ غوث النساء (30) شکیلا بانو (34) کو اسپتال میں زیر علاج ہیں۔سیاح حضرات یہ بات نوٹ کرلیں کہ برسات کے ابتدائی موسم میں سمندر پورے جوش میں رہتا ہے اور اس میں آسانی کے ساتھ تیراکی نہیں کرسکتے ۔ لوگوں کو متنبہ کرنے کے باوجود عوام غفلت سے کام لے رہے ہیں ۔ 

کانگریس کے سینئر رہنماکی سڑک حادثے میں موت

قتل کا شبہ ،تین افراد گرفتار ، ایک کی تلاش جاری 

منگلور 22؍ مئی (فکروخبرنیوز) کانگریس کے سینئر رہنما گنگادھر سڑک حادثہ معاملہ جو شروع دن سے ہی اس کو حادثہ نہیں بلکہ قتل کا شبہ کیا گیا تھا اس سلسلہ میں پنمبور پولیس نے تین افراد کو گرفتار کرلیا ہے ۔گرفتار شدگان میں گنگادھر کی موٹر سائیکل سے ٹکرانے والی بولیرو کار کے مالک پشپا راج ، ہریش بیکامپاڑی اور بھاسکر بیکامپاڑی کی حیثیت سے کرلی گئی ہے ۔ ان تینوں ملزمان کو عدالت میں پیش کرنے کے بعد عدالتی تحویل میں بھیج دیا گیا ہے ۔بتایا جارہا ہے کہ پولیس اہم ملزم ستیش بیکمپاڑی کی تلاش کررہی ہے ۔ واضح رہے یہ حادثہ 14؍ مئی کی رات پیش آیا تھا جس میں گنگادھر پانگلا کو گھر واپسی کے دوران بولیرو کار ٹکراکر فرار ہوگئی تھی ۔اور اس حادثہ میں کانگریس لیڈر موقع واردات پر ہی ہلاک ہوگیا تھا۔خیال رہے کہ گنگادھر کے اہلِ خاندان نے اس کو سڑک حادثہ ماننے سے انکار کیا تھا اور کہا تھا کہ یہ حادثہ نہیں بلکہ منصوبہ بند قتل ہے ۔ پولیس کے مطابق موگاویرا مہاسبھا کی پرانی دشمنی اس قتل کا سبب بنی تھی ۔