روس اور سعودی عرب تیل کے حوالے سے معاہدے کے قریب ہیں، ذرائع

06 اپریل 2020(فکروخبر/ذرائعروس اور سعودی عرب تیل کی پیداوار کم کرنے کے حوالے سے ایک معاہدے کے قریب ہیں۔ یہ بات ایک روسی سفارتکار نے خبر رساں ادارے روئٹرز کو بتائی ہے۔ تاہم اس بارے میں مزید تفصیل معلوم نہیں ہو سکی۔ دونوں ممالک کے درمیان اس حوالے سے مذاکرات رواں ہفتے ہونا ہیں۔ کورونا وائرس کے سبب پیدا شدہ اقتصادی بحران کے دوران سعودی عرب اور روس نے اپنی تیل کی پیداوار بڑھانے کا سلسلہ شروع کر رکھا ہے جس کی وجہ سے عالمی منڈی میں تیل کی قیمتیں کافی زیادہ کم ہو چکی ہیں۔ امریکی صدر ڈونلڈ ٹرمپ نے گزشتہ ہفتے کہا تھا کہ وہ ریاض اور ماسکو کے ساتھ ایک معاہدے تک پہنچ گئے ہیں۔