سری لنکا میں صدارتی الیکشن گوٹابايا راجا پاکسے نے جیت لیا

کولمبو:17نومبر2019(فکروخبر/ذرائع)سری لنکا ميں حکمران جماعت کے صدارتی اميدوار ساجتھ پريماداسا نے صدارتی الیکشن ميں اپنے حريف گوٹابايا راجا پاکسے کے ہاتھوں شکست تسليم کر لی ہے۔ سری لنکا ميں کل ہفتے کو صدارتی اليکشن کا انعقاد ہوا تھا اور آج اتوار کی صبح تک سامنے آنے والے ابتدائی اور غير حتمی نتائج کے مطابق راجا پاکسے پچاس فيصد سے زائد ووٹ حاصل کر چکے ہيں۔ پريماداسا نے کہا ہے کہ وہ عوام کا فيصلہ تسليم کرتے ہیں۔ گوٹابايا راجاپاکسے سری لنکا ميں تامل باغيوں کے خلاف فیصلہ کن عسکری کارروائیوں کے دور ميں ملکی وزارت دفاع کے سیکرٹری تھے۔