آدھار ڈاٹا بالکل محفوظ ، بیرونی ایجنسیوں تک رسائی کی تردید

اتھارٹی نے ان الزامات کومسترد کرتے ہوئے کہا کہ آدھار بائیو میٹرک سسٹم خود ہندوستان میں تیار کیا گیا ہے اور اس کی سکیورٹی خصوصیات کافی بہتر ہے جن کے ذریعہ غیرمجاز طور پر تفصیلات کا حصول یا ڈاٹا کی منتقلی ممکن نہیں ۔ اتھارٹی نے بتایا کہ بعض مفادات حاصلہ اس طرح کی غلط خبریں پھیلارہے ہیں ۔ ڈاٹا کے معاملے میں کسی طرح کے سمجھوتے کا الزام مسترد کرتے ہوئے بیان میں کہا گیا ہے کہ آدھار ایکو سسٹم میں مختلف رجسٹرارس اور ایجنسیوں کے ذریعہ بائیو میٹرک آلات استعمال ہورہے ہیں اور یہ ایک دوسرے سے ہم آہنگ نہیں ہوتے اسی لئے ایسی خبریں پھیلائی جارہی ہیں ۔ کہا گیا ہے کہ آدھار سسٹم میں استعمال سے قبل بائیو میٹرک آلات کا ہر طرح سے معائنہ کیا جاتا ہے ۔ یہی نہیں بلکہ دیگر کئی سکیورٹی خصوصیات بھی ہے جن کے ذریعہ آدھار ڈاٹا کو محفوظ بنایا گیا ہے ۔