چوری کی رپورٹ لکھانے گئے موچی سے پولیس نے گھنٹوں کرائی جوتا پالش(مزید اہم ترین خبریں)

یہاں ایک غریب کو اس کے موبائل کھو جانے کی ایسے سزا دی گئی کہ وہ اب تھانہ آنے سے توبہ کر رہا ہے. اسی تھانہ علاقے کا رہنے والا ایک غریب موچی موبائل کھونے کے بعد اپنی رپورٹ درج کرانے تھانے پہنچا. وہ تو دوست پولیس کے پاس اپنے موبائل کے کھو جانے کی رپورٹ درج کرانے گیا تھا. اسے نہیں معلوم تھا کہ اس کی یہ حماقت اسے کتنی بھاری پڑنے والی ہے. صبح سے لے کر شام تک اس کی رپورٹ تو نہیں لکھی گئی، لیکن اس کو گھنٹوں تمام پولیس اہلکاروں کے بوٹ پالش کرنے پڑے۔اتنا ہی نہیں جب اس نے بوٹ پالش سے منع کیا تو بزرگ کو دھمکاتے ہوئے انسانیت کی ساری حدیں پار کر دی گئی. پولیس اہلکاروں نے اسے یہ کہہ کر دھمکانا چاہا کہ ابھی پولیس کے پاس موبائل کی رپورٹ لکھنے کا وقت نہیں ہے. متاثر کو یہ بھی کہا گیا کہ روزانہ موبائل کی رپورٹ ہوتی ہے، لیکن موبائیل کہاں ملتا ہے.مظفرنگر کے ہیبت پور چرتھاول کے غریب موچی ستو کو جب لگا کہ پولیس اہلکار اس کی رپورٹ لکھنے کو کسی قیمت پر تیار نہیں ہیں تو اس نے اپنا تعارف پولیس اہلکاروں کو کچھ اس طرح دیا. صاحب میں غریب موچی ہوں، میرے پاس دوسرا موبائل لینے کے لئے پیسے نہیں ہے، اس موبائل کا کوئی غلط استعمال کر سکتا ہے پھر آپ ہی ہمیں پریشان کرو گے.جس کے بعد موجود ایک پولیس اہلکار نے اس کے سامنے اپنے جوتے رکھ دیئے اور پالش کرنے کو کہا. جس کے بعد متاثرہ نے گھر سے سامان لا کر پالش کرنے کا بھروسہ دیا. جب متاثرہ گھر سے پالش کا سامان لے کر تھانے پہنچا تو پولیس اہلکاروں نے اس کے اوپر جوتوں کی برسات کردی. اتنے جوتے پر پالش کرنے سے انکار کرنے پرپولیس اہلکاروں نے اسے دھمکی دی کہ اسے پالش کرنی ہی ہوگی. نہیں تو رپورٹ نہیں لکھی جائے گی. ڈرا ہوا غریب موچی ڈھائی گھنٹے تک جوتوں کی پالش کرتا رہا ہے. اس کے بعد تو وہ اپنی قسمت کو کوستا ہوا چلا گیا۔

الہ آباد یونیورسٹی میں گریجویشن داخلہ امتحان نئے سرے سے کرانے کا مطالبہ

لکھنؤ۔30مئی(فکروخبر/ذرائع) الہ آباد یونیورسٹی میں طلبہ یونین کے عہدیداروں نے آج ایک بار پھر ہنگامہ کیا ہے. یہ لوگ اب گریجویشن داخلہ امتحان نئے سرے سے کرانے کا مطالبہ کر رہے ہیں.الہ آباد یونیورسٹی کے گریجویٹ داخلہ امتحان نئے سرے سے کرانے کا مطالبہ لے کر طالب علم وائس چانسلر کے خلاف مورچہ کھول دیا ہے. طالب علم یونین کے عہدیداروں نے ایک بار پھر گریجویشن امتحان کرانے کی مانگ کی ہے. آج صدر رچا سنگھ کی قیادت میں ایک بار پھر طلبا نے وائس چانسلر پروفیسر رتن لال کے خلاف مورچہ کھول دیا ہے. یونیورسٹی میں طالب علموں نے آج وائس چانسلر کا پتلا پھونک کر مظاہرہ کیا۔

سابق رکن اسمبلی کے بیٹے اور بہو پولیس استحصال سے پریشان ہو کر کی خودکشی کی کوشش 

لکھنؤ۔30مئی(فکروخبر/ذرائع) اناؤ میں سابق رکن اسمبلی کے بیٹے اور بہو نے خاندانی تنازع میں پولیس کے استحصال سے پریشان ہوکر خودکشی کی کوشش کی.اناؤ میں سابق ممبر اسمبلی بھگوتی سنگھ وشارد کے بیٹے اور بہو رینو سنگھ نے آج ایس پی دفتر کے باہر مٹی کا تیل چھڑکنے کے بعد خود کو آگ کے حوالے کرنے کی کوشش کی. وہاں موجود لوگوں نے دونوں کو کسی طرح آگ سے بچا لیا. ان لوگوں نے ان کے خاندانی تنازعہ میں ہو رہے استحصال میں پولیس کے کوئی کارروائی نہ کرنے کا الزام لگاتے ہوئے شکایت کی. شکایت کے بعد بھی ایس پی سے ان کو تسلی بخش جواب نہ ملا. جس سے دونوں نے بے قرار ہوکر ایس پی دفتر کے باہر مٹی کا تیل اڑیل کر خودکشی کرنے کی کوشش کی. ایس پی آفس میں خودکشی کی کوشش سے افراتفری مچ گئی۔پولیس نے آنا فانا میں ان دونوں کو حراست میں لے لیا. اس واقعہ کے پیچھے بتاتے ہیں کہ ان کے دونوں بیٹوں کے درمیان کافی عرصے سے جائیداد تنازعہ چل رہا ہے. اسی کو لے کر 15 دن پہلے پولیس نے دونوں فریقوں کو تھانے میں بٹھایا تھا. واقعہ کے بعد لواحقیتن کی شکایت پر باڑہ سگور تھانہ انچارج پردیپ کو ایس پی نے لائن حاضرکر دیا۔

۔کسانوں کو پیاز کی فروخت پر فی کلو چار روپے کا خسارہ

نئی دہلی۔30مئی(فکروخبر/ذرائع)پیاز لوگوں کو کبھی ہنساتا ہے تو کبھی رولاتا بھی ہے ۔ یہ کسانوں کو کبھی مالا مال اور کبھی خستہ حال بھی بناتا ہے ۔ اس بار پیاز کی کھیتی کرنے والے کسانوں کو اوسطا فی کلو چار روپے کا خسارہ ہو رہا ہے جس سے وہ آ ئندہ اس کی کاشت کریں گے یا نہیں یہ کوئی نہیں بتا سکتا۔ زراعتی سائنسدانوں اور کسانوں کے مطابق فی ایکڑ پیاز کی کاشت پر تقریبا 50 ہزار روپے کی لاگت آتی ہے ۔ پیاز کی پیداوار کی لاگت اوسطا 6.25 روپے فی کلو آتی ہے جبکہ پیاز پیداوار کرنے والی ریاستوں میں کسانوں کو اسے تھوک میں اوسطا دو روپے فی کلو کی شرح سے فروخت کرنا پڑتا ہے ۔ ایک ایکڑ پیاز کی کاشت کے لئے چار کلو بیجوں کی ضرورت ہوتی ہے اور اس کے لئے مارکیٹ میں کسانوں کو 10 ہزار روپے دینا پڑتا ہے ۔ پیاز کی ایک ایکڑ کھیت کو تیار کرنے پر 3000 سے 4000 روپے کا خرچ آتا ہے ۔ کھیت میں کیمیائی کھاد کے استعمال پر 3000 سے 5000 روپے کا خرچ آتا ہے ۔ پیاز کی کاشت کے لئے اس کے بیج کو پہلے نرسری میں لگایا جاتا ہے اور یہاں پودا تیار کرنے پر تقریبا 2000 روپے کا خرچ آتا ہے ۔ نرسری سے کھیت میں پلانٹ کی روپائی پر فی ایکڑ 3000 روپے کا خرچ آتا ہے ۔پیاز کے تیار ہونے تک اس کی آب پاشی پر 7000 سے 8000 روپے خرچ ہوتے ہیں۔
پیاز کو کیڑے ۔مکوڑوں سے بچانے کے لئے کیڑے مار ادویات کے اسپرے پر 3000 سے 5000 روپے کی لاگت آتی ہے ۔ اس کی کھدائی اور اس کے بوري بند کئے جانے پر 5000 سے 10000 روپے خرچ کیے جاتے ہیں۔پیاز کی فصل کو تیار ہونے میں 140 دن کا وقت لگتا ہے اور فی ایکڑ پیداوار 80 سے 100 کوئنٹل تک ہوتی ہے ۔ فصل تیار ہونے پر کسان اسے فروخت کرنے کے لئے مارکیٹ لاتا ہے ۔ یہاں جو پیداواری لاگت دی گئی ہے ، اس میں کھیت کا کرایہ، کسان کی محنت اور بازار لے جانے کا خرچ شامل نہیں ہے ۔مرکزی خوراک، سول سپلاءي اور صارفین امور کے وزیر رام ولاس پاسوان نے کہا کہ کسانوں کو پیاز کی واجب قیمت دلانے کے لئے 15 ہزار ٹن پیاز کی خریداری کا فیصلہ کیا تھا، لیکن اس سے بھی آگے بڑھ کر 20 ہزار ٹن پیاز کی خریداری کی گئی ہے ۔تاہم اس کے بعد بھی کچھ جگہوں پر مسائل ہیں۔مسٹر پاسوان نے کہا کہ زراعتی مصنوعات کی مارکیٹ کمیٹی ایکٹ کی وجہ سے بھی زرعی مصنوعات کی نقل و حمل پر اثر پڑتا ہے اور آسانی سے سامان ملک کے ایک حصے سے دوسرے حصے میں نہیں پہنچ پاتا ہے ۔ انہوں نے کہا کہ مودی حکومت ان رکاوٹوں کو دور کرنے کی کوشش کر رہی ہے اور وہ نیشنل کامن مارکیٹ کی سمت میں آگے بڑھ رہی ہے ۔

اعظم خاں کی قیادت میں حکام کی ٹیم فضلہ سے بجلی بنانے کے گر سیکھنے جا رہی ہے جرمنی

لکھنؤ۔30مئی(فکروخبر/ذرائع)اترپردیش کے شہری ترقیات کے وزیر اعظم خاں کی قیادت میں میونسپل حکام کی ایک ٹیم فضلہ سے بجلی بنانے کا مطالعہ کرنے کے لئے جرمنی اور چیک جمہوریہ جا رہی ہے ۔یہ ٹیم چیک جمہوریہ میں فضلہ سے بجلی بنانے والی ایک کمپنی کا بھی دورہ کرے گی۔ سرکاری ذرائع نے آج یہاں بتایا کہ یہ ٹیم کمپنی میں تکنیکی بارکیوں کا مطالعہ کرے گی اور واپس آکر مقامی سطح پر اسے عمل میں لانے کی کوشش کرے گی۔ غور طلب ہے کہ میونسپل حکام کافی عرصے سے فضلہ سے بجلی بنانے کی جدوجہد میں لگے ہوئے ہیں۔چیک جمہوریہ کی ملٹی نیشنل کمپنی چنگاری نے دعوی کیا ہے کہ وہ 12 ممالک میں یہ کام کر رہ ہے اوریہ سب سے بہترین سروس فراہم کر رہی ہے ۔۔ یہ ٹیم پراگ جانے سے پہلے جرمنی میں پانی اور سیور نکاسی کے آبی نظام کا بھی مطالعہ کرے گی۔ 

ملک کی سب سے تیز رفتار ٹیلگو ٹرین کا ٹرائل کامیاب

بریلی۔30مئی(فکروخبر/ذرائع) اسپین سے آئے ٹیلگو کوچ سے لیس ٹرین کا پہلا ٹرائل آج اتر پردیش کے بریلی میں کامیاب ہونے کے ساتھ ہندوستانی ریل کی تاریخ میں ایک نیا باب جڑ گیا۔ملکی انجن کے پیچھے یہ غیر ملکی کوچ کچھ اٹ پٹا ضرور لگا۔ لیکن شمال مشرقی ریلوے کی بریلی میں عزت نگر ورکشاپ کے انجن کو ٹیلگو کوچ کے ٹرائل کا اعزاز حاصل ھوا۔ا سپین کی ٹیلگو کمپنی میں تعمیر نو کوچ سے آراستہ ٹرین صبح 9 بجکر چار منٹ پر بریلی جنکشن کے پلیٹ فارم نمبر دو سے مرادآباد کے لئے روانہ ہوئی۔ اس ٹرین کی ایک جھلکدیکھنے کے لئے بریلی جنکشن اسٹیشن پر بڑی تعداد میں مقامی افراد موجود تھے ۔ ٹرین دس بجکر 20 منٹ پر بلا روک ٹوک مرادآباد پہنچی۔
اس درمیان، شمال مشرقی ریلوے کے عزت نگر زون کے پی آرافسر راجندر سنگھ نے 'یواین آئی'کو بتایا کہ ملک کی سب سے تیز رفتار اس ٹرین کا ٹرائل ٹیلگو کمپنی اور ریلوے افسروں کی موجودگی میں کامیابی کے ساتھ کیا گیا۔ اس سے قبل، شمال مشرقی ریلوے کے جنرل منیجر راجیو مشرا نے بریلی جنکشن پر ٹیلگوٹرین روانہ کرنے سے قبل کہا کہ اس سوپر لگژری ٹرین میں المونیم کے کوچ لگے ہوئے ہیں۔ ان کا وزن ہندوستانی ریل کوچ سے کافی کم ہے ۔ ہر کوچ میں دو بوگیاں ہیں۔ دو کوچ کے درمیان محض چار پہیے ہیں۔ مسٹر مشرا کے مطابق ہائیڈرولک پریشر سے پہیوں میں ڈسک بریک لگا ہوا ہے ۔یہ ٹرین چند سیکنڈوں میں بغیر جھٹکے کے رکتی ہے اور حادثے میں کوچ کے اوپر کوچ نہیں چڑھ سکتے ۔ انہوں نے بتایا کہ آرام دہ کرسیوں کے 'ایگزیکٹو کلاس' میں آفس کی طرح بیٹھ کر کام کیا جا سکتا ہے ۔ کھانہ بنانے کے لئے گاڑی میں گیس کی جگہ مائکروویو کا استعمال کیا گیا ہے ۔

مرکزی حکومت ریاستوں کو 66روپے کلو دال فراہم کرائے گی

لکھنؤ۔30مئی(فکروخبر/ذرائع)دال کی بڑھی قیمتوں سے نریندر مودی حکومت کی فضیحت کے پیش نظر مرکزی حکومت نے ریاستوں کو 66روپے کلو ارہر کی دال فراہم کرانے کا فیصلہ کیا ہے ۔خوراک ،سول سپلائی اور صارفین امور کے مرکزی وزیر رام ولاس پاسوان نے آج یہاں صحافیوں سے کہا کہ دال کی بڑھی ہوئی قیمتوں کے پیش نظر مرکز نے ریاستوں کو 66روپے کلو ارہر اور 82روپے کلو اڑد کی دال فراہم کرانے کا فیصلہ کیا ہے ۔ریاستیں اسے زیادہ سے زیادہ 120روپے کلو تک فروخت کر سکیں گی۔انہوں نے دعویٰ کیا کہ مہنگائی پر قابو ہے ۔یہی وجہ ہے کہ پیاز کی قیمت دس روپے کلو تک ہے ،حالانکہ اس سے کسانوں کو زیادہ فائدہ نہیں ہوپارہا ہے ۔مسٹر پاسوان نے اترپردیش اور بہار سمیت دیگر غیر بی جے پی اقتدار والی حکومتوں پر سوال اٹھایا اور کہاکہ یہ حکومتیں اپنی جانب سے کوئی پہل نہیں کرنا چاہتی ہیں۔مرکزی وزیر نے کہا کہ اترپردیش کے بندیل کھنڈ کے حالات ٹھیک نہیں ہیں۔مرکز مسلسل مدد کررہا ہے ،لیکن مدد کو آگے پہنچانے کا کام ریاستی حکومت کا ہی ہے ۔ریاستی حکومت کو مزید بہتر کوشش کرنی ہوں گی۔قومی جمہوری اتحادی حکومت (این ڈی اے ) کے دو سال مکمل ہونے کے موقع پر مسٹر پاسوان نے کہا کہ وزیر اعظم نے غیر ملکوں میں ہندوستان کی ساکھ میں اضافہ کیا ہے ۔انہوں نے کہا کہ صارفین کے حقوق کے تحفظ کے لئے کنزیومر پروٹیکشن ایکٹ کو مزید سخت کیا جارہا ہے ۔صارفین فورم کی ضلع ،ریاست اور قومی سطح پر عدالتوں کا بنیادی ڈھنانچہ تیار کیا جارہا ہے ۔

مایاوتی کا سماجی انصاف کا نعرہ محض بکواس: پاسوان

لکھنؤ۔30مئی(فکروخبر/ذرائع)خوراک اور صارفین امور کے مرکزی وزیر اور لوک جن شکتی پارٹی (ایل جے پی) صدر رام ولاس پاسوان نے بہوجن سماج پارٹی (بی ایس پی)کی سربراہ مایاوتی کے سماجی انصاف کے نعرے کو محض بکواس بتایا ہے ۔ مسٹر پاسوان نے آج یہاں صحافیوں سے کہا کہ بابا صاحب بھیم راؤ امبیڈکر کا نام محترمہ مایاوتی نے خوب استعمال کیا، لیکن ڈاکٹر امبیڈکر کو صرف مودی حکومت نے ہی احترام دیا اور ان کے وقار کی حفاظت کی۔ انہوں نے کہا کہ ڈاکٹر امبیڈکر کی 125 ویں جینتي پر ان کی جائے پیدائش مہو (مدھیہ پردیش) جاکر وزیر اعظم نے انہیں خراج عقیدت پیش کی۔ مدھیہ پردیش حکومت وہاں خوبصورت امبیڈکر کے یادگار کی تعمیر کرا رہی ہے ۔ ممبئی میں 12 ایکڑ زمین پر مرکز ڈا کٹر امبیڈکر کی یادوں کا خوبصورت یادگارتعمیر کرا رہی ہے ۔مسٹر پاسوان نے کہا کہ ڈاکٹر امبیڈکر لندن میں جس کمرے میں رہ کر پڑھتے تھے ، اسے خریدکر قومی یادگار بنوایا جا رہا ہے ۔ انہوں نے کہا کہ ناگپور میں ان کی دیکشاستھل کو بھی اس خوبصورت یاد گار میں شامل کیا جا رہا ہے ۔ انہوں نے کہا کہ دوسرے لوگوں نے تو ڈاکٹر امبیڈکر کے نام کا صرف استعمال کیا، لیکن ان کی حکومت دلتوں کو مثالی احترام دینے کا کام کر رہی ہے ۔

بی جے پی خواب کی مارکیٹنگ کرنے میں مہارت رکھتی ہے : کانگریس

لکھنؤ۔30مئی(فکروخبر/ذرائع)کانگریس نے بھارتیہ جنتا پارٹی (بی جے پی) کو'ایوینٹ مینجمنٹ' میں کافی عقلمند اور ہوشیار بتاتے ہوئے آج کہا کہ وہ خواب کی مارکیٹنگ کرنے میں بھی ماہر ہے ۔ راجیہ سبھا میں کانگریس کے نائب رہنما اور پارٹی ترجمان آنند شرما نے آج یہاں صحافیوں سے کہا کہ مودی حکومت کے وزیر اس وقت جگہ جگہ دو سال کی کامیابیوں کا بیان کرتے نظر آ رہے ہیں جبکہ حقیقت یہ ہے کہ عوام کو صرف سبز باغ دکھایا جا رہا ہے ۔ بی جے پی صرف خواب کی مارکیٹنگ کر رہی ہے ۔مسٹر شرما نے کہا کہ وہ تسلیم کرتے ہیں کہ کانگریس بی جے پی کے مقابلے میں 'ایوینٹ مینجمنٹ'میں کمزور ہے لیکن کانگریس جھوٹ نہیں بولتی۔ انہوں نے مودی حکومت کے دو سال پورے ہونے پر سہارنپور کی ریلی اور دہلی میں کل منعقد پروگراموں کو 'ایوینٹ مینجمنٹ'کا بہترین نمونہ قرار دیا۔ مسٹر شرما نے وزیر اعظم کے اس بیان پر سخت اعتراض کا اظہار کیا جس میں کہا گیا تھا کہ اپوزیشن صرف 'احتجاج' کر رہا ہے جبکہ وہ و ترقی کی سیاست پر یقین رکھتے ہیں۔ ان کا کہنا تھا کہ اپنے لچھے دار تقریروں سے مسٹر مودی عوام کو گمراہ کرنے کی کوشش کر رہے ہیں۔ ملک کی ترقی میں اپوزیشن نے کافی کام کیا ہے جبکہ مودی حکومت نے دو برسوں میں کچھ بھی نہیں کیا۔ مسٹر شرما نے کہا کہ ہندوستان سے کانگریس کو پاک کرنے کا خواب دیکھنے والے لوک سبھا کے آئندہ انتخابات میں صاف ہو جائیں گے ۔ کانگریس پوری مضبوطی کے ساتھ دوبارہ اقتدار میں آئے گی۔ انہوں نے کہا کہ قومی جمہوری اتحاد حکومت ہر محاذ پر ناکام ہے ، عوام انہیں سبق سکھائے گی۔