ظفرسریشوالا کے نام مولاناکلیم صدیقی پھلتی کاخط

اگرچہ اس حقیر کو اس سیاسی دنیا سے بالکل عدم مناسبت ہے مگر موجودہ سیاسی تناظر میں دل میں تقاضا تھا کہ ملاقات کرکے ملت کے حالات پر آپ سے تبادلہ خیال کروں ہمارے ایک دوست احمد عبداللہ نے ذکر کیا کہ جناب والا کسی پروگرام کے سلسلے میں اس حقیر سے ملاقات کرنا چاہتے ہیں مگر ملاقات مقدر نہ ہو سکی "
مولانا نے مزید لکھا ہے کہ "میں نے اردو نئی دنیا میں آپ کا ایک انٹر ویو پڑھا ہے جس میں مجھے آپ کے اندر ملت کی فکر مندی اور مثبت درد مندی کے سوا کوئی منفی سوچ یا بے ادبی کی نیت دکھائی نہیں دیتی.گزشتہ دنوں مسلم پرسنل لا بورڈ کے اجلاس میں جو کچھ ہوا اس میں بھی آپ نے جس صبر و تحمل کا مظاہرہ کیا ہے قابل قدر ہے ۔ آپ کا مولانا سید رابع حسنی ندوی دامت برکاتہم کے نام مکتوب پڑھنے کو ملا ، ایسے مخالف اور انفعال کے حال میں ایسا پیارا صبر و تحمل اد ب و معزرت سے بھرا ہوا مکتوب پڑھ کر دل میں آپ کی بڑی قدر ہوئی "
مولانا ظفر صاحب کو نصیحت کرتے ہوئے آگے تحریر فرما تے ہیں کہ آپ نے صبر و تحمل ادب و انکساری کے ساتھ تعمیری راستہ جو اپنے لیے منتخب کیا ہے اس پر اپنا سفر جاری رکھیں ۔ یہ حقیر کسی طرح کوئی اہلیت نہیں رکھتا پھر بھی کسی خدمت کے لیے یاد فرمائیں تو مجھے خوشی ہوگی