بنگلور کے اسلام پور کے بعد اب منگلور کے وٹلا میں بجرنگیوں کا ہنگامہ

اطلاع کے مطابق یہ واقعہ وٹلا کے پیروائی نامی علاقے میں پیش آیا ہے۔ واقعہ کے مطابق وٹلا کے پیروائی نامی علاقے سے ریاست کیرلا کو ایک اومنی کار میں تین بیلوں کو لے جایا جارہا تھا، بجرنگ دل کو اس بات کی اطلاع ملتے ہی و ہ پیروائی نامی علاقے میں اومنی کار کور وک لیا۔ بجرنگیوں کے ہجوم کو دیکھتے ہی اومنی ڈرائیورشمس الدین موقع واردات سے فرار ہوگیا،جب کہ ایک اور نوین نامی اومنی سوار کو بجرنگیوں نے اپنے ظلم کا نشانہ بنایا۔مویشیوں کو اومنی سے نکال کر جیسے ہی دوسری سواری میں ڈالنے لگے تو اس موقع پر یہاں موجود دو الگ الگ گروپوں میں ہاتھا پائی ہونے لگی ، حالات کو کشیدہ ہوتے دیکھ پولس فوری لاٹھی چارج کا سہارا لے کر ہجوم کو منتشر کیا ہے۔ جائے واردات پر پولس نے سخت حفاظتی بندوبست کئے ہوئے ہیں۔