شدت پسند عناصر کی جانب سے مذبح خانے کے مویشی روک لئے گئے

اطلاع کے مطابق ہیچ اے ایل اسلام پور کے مذبح خانے کے لئے معمول کے مطابق مویشیوں کو لے جایا جارہا تھا ، مگر کچھ شدت عناصر نے ٹرک کو روک کر زبردستی مویشیوں کو پرانی دیا سنگھا نامی تنظیم کے حوالے کرنے کے لئے تیار ہوگئے ۔ اس سے دونوں گروپ میں لفظی جھڑپ شروع ہوئی اور دیکھتے دیکھتے لوگوں کا ہجوم جمع ہونے لگا۔ اور پھر مویشیوں کو روکے جانے پر مشتعل ہجوم احتجاج کرنے لگا اور اسی بات سے فائدہ اُٹھاکر کچھ شدت پسند عناصر جو پر امن ماحول میں بھنگ ڈالنا چاہ رہے تھے پتھراؤ پر اُترآئے اور پولس جیپ کے ساتھ کچھ کاروں کو نقصان کیا ، موقع واردات پر پہنچے جوائنٹ پولس انسپکٹر بی کے سنگھ، ڈی سی پی پرشا نے مشتعل ہجوم کو منتشر کرنے کے لئے ہلکے لاٹھی چارج کا سہارا لیا۔ اور کے ایس آر پی حفاظتی تکڑی کی تعینات کی گئی ہے۔ زخمی افرادکی شناخت راہل ، سدھیر کی حیثیت سے کرلی گئی ہے ۔ پولس دونوں گروپ کے خلاف مقدمہ درج کرکے تحقیق کرنے کی بات کہی ہے۔