تعلیمی میدان میں ہمیں مزید آگے بڑھنا ہے : رکن اسمبلی منکال وائیدیا

اس دوران اسسٹنٹ کمشنر جناب چدانند وٹارے نے آزادی کے لیے دی جانے والی قربانیوں کو یاد کرتے ہوئے یہ پیغام دیا کہ ہمیں کسی بھی صورت میں ہمارے شہیدوں کی قربانیوں کو فراموش نہیں کرنا چاہیے۔ رکن اسمبلی جناب منکال وائیدیا نے تعلیمی میدان میں ترقی کرنے کی ترغیب دلاتے ہوئے کہا کہ ہمیں ہرحال میں تعلیم کو ساتھ لے کر ملک کی ترقی کے لیے کوششیں کرنی چاہیے کیونکہ تعلیم کے بغیر انسان ترقی نہیں کرسکتا۔ ہمارے اسمبلی حلقہ میں ہر شخص تعلیم کے میدان میں ترقی کرنا چاہیے اور اس سلسلہ میں جو کچھ مجھ سے خدمت ہوسکتی ہے وہ میں کرنے کے لیے تیارہوں۔ اس تقریب کے علاوہ انجمن حامئ مسلمین کے سبھی شعبہ جاتی ادارے جیسے انجمن انجینئرنگ کالج ، انجمن ڈگری کالج اینڈ پی جی سینٹر ، انجمن پی یو کالج ، اسلامیہ اینگلو اردو ہائی اسکول ، انجمن بوائز ہائی اسکول ، انجمن ویمن کالج اور دیگر تعلیمی اداروں نے بھی یومِ آزادی کی تقریبات جوش وخروش کے ساتھ منائی گئی۔