منگلورو 13 اپریل 2024 : ساحلی اضلاع میں گزشتہ کئی دنوں سے گرمی عروج ہے۔ گھروں سے باہر نکلنا دشوار ہورہا ہے ، اس دوران کئی علاقوں میں بارش کی خبر نے بعض علاقوں کو گرمی سے عارضی چھٹکارا ملا ہے تو بعض علاقوں میں بارش کی امید نظر آئی ہے۔

ساحلی اضلاع اور کورگ کے بعض علاقوں میں جمعہ کی شام بارش ہوئی۔ مادامکی اور اردی جیسے علاقوں میں ایک گھنٹے سے زائد بارش ہوئی جس کی وجہ سے آج موسم خوشگوار رہا۔

ساحلی علاقوں کے کچھ حصوں میں ہلکی بارش بھی ہوئی۔ بارش سے رہائشیوں اور کسانوں کو راحت ملی جو گزشتہ دو ہفتوں سے بارش کا بے صبری سے انتظار کر رہے تھے۔

مدیکیری میں ناپوکلو، بیٹو، چیریاپیرامبو، کولاکری ایمیمادو، نیلاجی بالماوتی، پرانے، کیکاڈو، ہودورو، مورناڈو، میکری اور بلیگیری سمیت کئی علاقوں میں بارش ہوئی۔ علاقے میں کافی کاشت کرنے والوں نے بارش کا خیرمقدم کیا۔

دکشینا کنڑ کے کدابا اور گنڈیا جیسے علاقوں میں شام کو ہلکی بوندا باندی ہوئی جبکہ سبرامنیا اور سلیا میں موسم ابر آلود رہا۔ اڈپی اور منی پال میں بھی ہلکی بوندا باندی ہوئی۔

ساحلی علاقے کے لیے 13 اور 14 اپریل کو ایلو الرٹ جاری کیا گیا ہے، جس میں موسم کی خراب صورتحال کا امکان ظاہر کیا گیا ہے۔