20؍مارچ 2024 (فکروخبرنیوز) کرناٹک کے وزیر اعلیٰ سدارمیا نے منگل کے روز وزیر اعظم نریندر مودی کو ایک ’کمزور وزیر اعظم‘ قرار دیا، جو بی جے پی میں باغی لیڈروں پر لگام لگانے میں ناکامیاب ثابت ہوئے۔

دراصل پی ایم مودی نے پیر کے روز شیوموگا میں ایک جلسۂ عام سے خطاب کرتے ہوئے سدارمیا پر تلخ تبصرہ کیا تھا۔ انھوں نے الزام لگایا تھا کہ ’’کرناٹک میں اس لوٹ میں شراکت دار بننے کی دوڑ لگی ہوئی ہے۔ ان میں ’سی ایم اِن ویٹنگ‘، ’مستقبل کے سی ایم امیدوار‘، ’سپر سی ایم‘ اور ’شیڈو سی ایم‘ شامل ہیں۔ کئی وزرائے اعلیٰ کے بیچ دہلی میں ایک کلیکشن منسٹر ہے۔