جے پور، 29 جنوری (زبان) جے پور کے ایک سرکاری اسکول میں پڑھنے والی مسلم طالبات نے سوموار کو سبھاش چوک پولیس اسٹیشن کے سامنے مظاہرہ کرتے ہوئے بھارتیہ جنتا پارٹی (بی جے پی) کے ایم ایل اے بالمکند اچاریہ کے خلاف کارروائی کا مطالبہ کیا۔

انہوں نے الزام لگایا کہ ایم ایل اے نے اسکول میں ایک پروگرام کے دوران طالبات کے حجاب پہننے پر اعتراض کیا تھا۔

اسکول طالبات کی ویڈیو سوشل میڈیا پر وائرل ہوگئی ہے جس میں اسکول کی کئی طالبات سبھاش چوک پولیس اسٹیشن کے باہر احتجاجا نعرہ تکبیر اللہ اکبر کا نعرہ  اور مقامی بی جے پی ایم ایل اے کے خلاف نعرے لگارہے ہیں ۔ انہوں نے ایم ایل اے سے معافی مانگنے اور لیڈر کے خلاف ایف آئی آر درج کرنے کا مطالبہ کیا۔

طالبات نے الزام لگایا کہ جس طرح سے ہم نے سالانہ تقریب کے موقع پر مقامی ایم ایل اے بالمکند اچاریہ کو بلایا تھا، لیکن انہوں نے یہاں آکر ہمارے حجاب پہننے کولے کر متنازع بیان دے دیا ۔ یہی نہیں بلکہ مذہبی نعرے بھی لگائے۔ طالبات کا کہنا تھا کہ یہ ہمیں ہرگز قبول نہیں، تعلیم کے مندر میں ہندومسلمان کے نام پرنفرت کی سیاست کو برداشت نہیں کیا جائے گا۔ 

آدرش نگر اسمبلی حلقہ سے کانگریس کے ایم ایل اے رفیق خان نے بھی اس معاملے کو ایوان میں اٹھانے کی کوشش کی لیکن اسمبلی کے اسپیکر نے انہیں بولنے کی اجازت نہیں دی اور اس سلسلے میں ان کے تبصروں کو اسمبلی کی کارروائی سے ہٹانے کو کہا۔

اسسٹنٹ پولیس کمشنر (نارتھ) ڈاکٹر ہیمنت جاکھڑ نے بتایا کہ ہائیر سیکنڈری اسکول میں ایک پروگرام کے دوران مقامی ایم ایل اے بالمکند اچاریہ کے بیان کے خلاف پیر کو طالبات اور ان کے اہل خانہ نے پولیس اسٹیشن کے باہر مظاہرہ کیا۔

انہوں نے کہا کہ طالبات اور ان کے اہل خانہ کا مطالبہ ہے کہ ایم ایل اے کو اپنے بیان پر معافی مانگنی چاہئے۔ انہوں نے اس سلسلے میں شکایت دی ہے جس کی جانچ کی جارہی ہے۔

شکایت میں کیا لکھا ہے ابھی تک معلوم نہیں ہو سکا۔ طالبات اور ان کے اہل خانہ کو راضی کرنے کی کوشش کی جارہی ہے۔

معاملہ کیا تھا ؟