لاپتہ رکشہ ڈرائیور محمد رفاعی کی لاش مشکوک حالت میں دریافت

پولس نے شک ظاہرکیا ہے کہ نوشاد کے قتل کا بدلہ لینے کے لئے مقتول نوشادکے ٹیم کی ہی یہ کارروائی ہوسکتی ہے ۔ تفصیلات کے مطابق مقتول محمد رفاعی جو کہ عبدالقیوم مونو کا بیٹا ہے یہ فرنگی پیٹے پارک میں رکشہ چلایا کرتا تھا، سنیچر کی شام قریب چھے بجے تین اجنبی لوگوں نے اس کا رکشہ کرایہ پر لے کر نکل گئے، مگر رات دیر گئے رفاعی جب نہ لوٹا تو ساتھی رکشہ ڈرائیوراور اہلِ خانہ نے چھان بین شروع کی، اور پھر بنٹوال دیہی پولس تھانے میں شکایت درج کرادی، پولس نے چھان بین شروع کی توسنیچر کی رات نیتراکیرے نامی علاقے کے قریب آٹو رکشہ دریافت ہوا، مگر رات کی سیاہی میں رفاعی کو ڈھونڈنے میں مشکل پیش آئی۔دوسرے دن اسی جگہ چھان بین کے دوران قریب سے بہہ رہی ایک نہر میں رفاعی کی لاش مشکوک حالت میں دریافت ہوئی ۔لاش کو وین لاک اسپتال روانہ کرنے کے بعد پولس مقدمہ درج کرکے چھان بین کررہی ہے ۔