_{19/نومبر2022(فکروخبر/ذرائع)گوہاٹی ہائی کورٹ نے جمعرات کو آسام کے ناگون ضلع کے بٹدروا پولیس اسٹیشن کو آگ لگانے کے الزام میں پانچ افراد کے گھروں کو مسمار کرنے پر پولیس کی سخت سرزنش کی ہے۔}

_{ہائی کورٹ نے کہا کہ "تفتیش کی آڑ میں" مکانات کو مسمار کرنے کے لیے بلڈوزر کا استعمال کسی بھی فوجداری قانون میں فراہم نہیں کیا گیا ہے۔}

_{مچھلی کے تاجر محفوظ الاسلام کو مبینہ طور پر حراست میں موت کے ایک دن بعد 21 مئی کو ہجوم نے پولیس اسٹیشن کو نذر آتش کر دیا تھا۔ اسلام کے اہل خانہ نے الزام لگایا تھا کہ پولیس نے اسے رہا کرنے کے لیے رشوت کے طور پر 10,000 روپے اور ایک بطخ کا مطالبہ کیاتھا ، جب کہ اسلام کی بیوی کا کہنا تھا کہ ہم صرف ایک بطخ برداشت کر سکتے تھے، اس لیے انہوں نے [پولیس] اسے تشدد کا نشانہ بنا کرمار ڈالا.}

_{ایک دن بعد پولیس نے ملزمان کے گھروں کو مسمار کر دیا تھا ۔ ہندوستانی قانون کے تحت کسی جرم کا الزام لگانے والے کے گھر کو مسمار کرنے کی کوئی دفعات نہیں ہیں لیکن یہ نمونہ بھارتیہ جنتا پارٹی کی حکومت والی ریاستوں میں باقاعدگی سے دیکھا گیا ہے۔}

_{جمعرات کو چیف جسٹس آر ایم چھایا نے حکومتی وکیل سے کہا کہ کسی بھی ایجنسی کو گھر گرانے کے لئے اجازت درکار ہوتی ہے چاہے وہ کتنے ہی  سنگین معاملے کی تحقیقات کر رہی ہوں۔}

_{جج نے سخت پھٹکار لگاتے ہوئے پوچھا کہ “اگر آپ کہیں گے کہ کچھ عدالت کے ماتحت ہے تو کیا آپ تفتیش کے نام پر میرے کمرہ عدالت کو کھودڈالیں گے؟" ایسا لگتا ہے کہ اس ملک میں کوئی بھی محفوظ نہیں ہے۔}

_{چیف جسٹس نے مزید کہا کہ برطانوی سیاستدان لارڈ تھامس بیبنگٹن میکالے نے بھی نہیں سوچا ہوگاجس نے نوآبادیاتی دور میں پینل کوڈ بنایا تھا کہ پولیس بغیر وارنٹ کے کیا کرسکتی ہے۔ایک ہلکے نوٹ پر، چیف جسٹس نے کہا کہ بالی ووڈ کی فلمیں بھی اتنی محتاط رہتی ہیں کہ اداکاروں کو بلڈوزر استعمال کرنے سے پہلے نوٹس یا انہدام کے احکامات دیتے ہوئے دکھایا جائے۔}

_{جسٹس چھایا نے کہا، "اس طرح کی چیزیں صرف روہت شیٹی کی فلموں میں ہوتی ہیں۔ "اپنے ایس پی کی کہانی ڈائریکٹر روہت شیٹی کو بھیجیں۔"}

_{لینا ڈولی ناگوں ضلع کی پولیس سپرنٹنڈنٹ تھیں جب مکانات گرائے گئے۔}

_{پولیس نے انہدام کی مہم کا دفاع کرتے ہوئے کہا کہ یہ ان الزامات کے سامنے آنے کے بعد کیا گیا ہے کہ تھانے پر حملہ کرنے والوں نے زمین پر قبضہ کر رکھا تھا۔ پولس نے کہا کہ ’’اگرچہ ان کے پاس دستاویزات تھے، وہ جعلی تھے۔‘‘}

_{بتادیں کہ اس کیس کا ایک ملزم عاشق الاسلام کے تعلق سے پولس نے دعوی کیا تھا کہ ۳۰ مئی کو مبینہ طور پر پولیس کی حراست سے فرار ہونے کی کوشش کے بعد ایک سڑک حادثے میں ہلاک ہو گیا تھا۔}