لندن :27مئی2021 (فکروخبر/ذرائع) بورس جانسن کے سابق چیف ایڈوائزر ڈومینک کمنگز نے کرونا وبا کے خلاف اقدامات کو برطانوی حکومت کی ناکامی قرار دے دیا۔

ان خیالات کا اظہار برطانیہ کے وزیراعظم بورس جانسن کے سابق چیف ایڈوائزر ڈومینک کمنگز نے ہیلتھ اینڈ سوشل کئیر اینڈ سائنس اینڈ ٹیکنالوجی کی کمیٹی کے سامنے بیان دیتے ہوئے کیا، انہوں نے کہا کہ حکومت کرونا کے خلاف مؤثر اقدامات اٹھانے میں ناکام رہی ہے۔

ڈومینک کمنگز نے کہا کہ دیگر ممالک میں وبا پھیلنے کے باوجود حکومت نے بروقت قدم نہیں اٹھایا، حتیٰ کہ مارچ کے وسط میں وزیراعظم سے کہا کہ لاک ڈاؤن کا نفاذ کیا جائے اس کے باوجود بورس جانسن نے کوئی پلاننگ نہیں کی۔

انہوں نے مطالبہ کیا کہ ہیلتھ سیکریٹری کو 20 چیزوں کےلیے برطرف کردینا چاہیے کیوں کہ میٹ ہینک نے لوگوں سے جھوٹ بولا ہے, میں کرونا سے مرنے والوں کے اہل خانہ سے معافی چاہتا ہوں۔

دوسری جانب ڈاؤننگ اسٹریٹ نے وضاحت کرتے ہوئے کہا ہے کہ لوگوں کی جان بچانا ہمیشہ حکومت کی اولین ترجیح رہی ہے۔