:اور ہر طرح کے
چھیڑخانی سے پریشان مدرسہ طالبات تعلیم ترک کرنے پر ... اگر آپ آم کھانے کے شوقین ہیں تو یہ خبر آپ کے لئے ... شرد پوار نے وزیراعظم کی فیملی پر کچھ نہ کہہ کر بہت ... کلوزر رپورٹ پر شبہات کے بعد روہت ویمولا موت کی مزی ... کرناٹک : شدید گرمی کی وجہ سے 6 اضلاع ریڈ الرٹ پر ، ج ... اجنبی کال کے جھانسے میں آکر کنٹریکٹر نے گنوائے 15 ... بھٹکل کی معروف شخصیت عنایت اللہ شاہ بندری کانگریس ... افضال انصاری کے سامنے ان کی بیٹی نصرت پرچۂ نامزد ...
:اور ہر طرح کے
چھیڑخانی سے پریشان مدرسہ طالبات تعلیم ترک کرنے پر ... اگر آپ آم کھانے کے شوقین ہیں تو یہ خبر آپ کے لئے ... شرد پوار نے وزیراعظم کی فیملی پر کچھ نہ کہہ کر بہت ... کلوزر رپورٹ پر شبہات کے بعد روہت ویمولا موت کی مزی ... کرناٹک : شدید گرمی کی وجہ سے 6 اضلاع ریڈ الرٹ پر ، ج ... اجنبی کال کے جھانسے میں آکر کنٹریکٹر نے گنوائے 15 ... بھٹکل کی معروف شخصیت عنایت اللہ شاہ بندری کانگریس ... افضال انصاری کے سامنے ان کی بیٹی نصرت پرچۂ نامزد ...
بتادیں کہ مہاراشٹرا میں کورونا کے کیسز کی تعداد میں آئے روز اضافہ ہوتا جا رہا ہے ، ممبئی اورپونے سمیت مہاراشٹر بھر میں کورونا وائرس کے مریضوں کی بڑھتی تعداد کے پیشِ نظر مہاراشٹر میں اتوار سے ۱۵؍ اپریل تک ۱۹؍ دنوں کیلئے حکم امتناعی نافذ کرکے نئی پابندیاں عائد کردی گئی ہیں ا وران پر سختی سے عمل درآمد کی ہدایت دی گئی ہے۔ پابندیوں پر عمل درآمد کو یقینی بنانے کیلئے انتظامیہ نے جرمانے کی رقم میں بھی اضافہ کردیاہے۔
شادی کے ہال ،گارڈن اور ساحل سمندر وغیرہ کو رات ۸؍بجے سے صبح ۷؍ بجے تک بند رکھا جائے گا ۔ ماسک لگانے جیسے کورونا سے تحفظ کے اصولوں کی خلاف ورزی کرنے پر جرمانہ کی رقم میں بھی اضافہ کردیا گیاہے اور اب ۲۰۰؍ کی بجائے ۵۰۰؍ روپے ادا کرنے ہوںگے۔ اسی طرح گارڈن اور ساحل سمندر پر ممنوعہ اوقات میں جانے پر فی کس ایک ہزار روپے جرمانہ ادا کرنا پڑےگا۔
احکامات کی خلاف ورزی پر جرمانہ
رات ۸؍ تا صبح ۷؍ بجے تک ۵؍ سے زائد افراد کو جمع ہونے کی اجازت نہیں ہوگی ۔ خلاف ورزی کرنے پر فی کس ایک ہزار روپے جرمانہ عائد کیاجائے گا۔ سبھی عوامی مقامات کو جن میں گارڈن اور ساحل سمندر شامل ہیں، رات ۸؍ بجے تا صبح ۷؍ بجے تک بند رکھا جائے گا۔ خلاف ورزی کرنے والوں پر فی کس ۵۰۰؍ روپے جرمانہ عائد کیا جائےگا۔
شادی کے ہال بھی ۸؍ بجے بند ہوںگے
سبھی سنیما ہال، شاپنگ مالس، آڈیٹوریم اور ریستوراں رات ۸؍ بجے تا صبح ۷؍ بجے تک بند رکھے جائیں گے۔اسی طرح شادی کے ہال بھی ۸؍ بجے کے بعد کھلے نہیں رکھے جاسکیں گے۔ پارسل اور ہوم ڈیلیوری کی اجازت ہوگی۔ شادی بیاہ کی تقریب میں بیک وقت ۵۰؍ افراد سے زیادہ کو شرکت کی اجازت نہیں ہوگی۔ اس پر عمل نہ ہونے پر ہال یا جگہ کے مالک کے خلاف ڈیزاسٹر قانو ن کے تحت کارروائی کی جائے گی اور ہال یا جگہ کو کورونا کی وبا کے خاتمے تک کیلئے بند کردیا جائےگا۔
جنازہ میں ۲۰؍ افراد کو شرکت کی اجازت
میت / جنازےمیں ۲۰؍ افراد سے زائدکو شرکت کی اجازت نہیں ہوگی۔مقامی انتظامیہ پر ذمہ داری عائد ہو گی کہ وہ اس پر عملدرآمد کروائے۔ ڈراما ہال یا آڈیٹوریم میں کسی سماجی، تہذیبی ، سیاسی یا مذہبی تقریب کاانعقاد کرنے کی اجازت نہیں ہوگی۔
ہوم کوارینٹائن پر بھی سختی
جن افراد کو گھروں پر ہی قرنطینہ کیا جائےگا ان کے ہاتھ پر مقامی انتظامیہ کی جانب سے ۱۴؍ دنوں تک قرنطینہ کی مہر لگائی جائے گی اور اسے قرنطینہ میں رہنا لازمی ہوگا۔خلاف وزری کرنے والے مریض کو فوری طور پر مقامی کووڈ کیئر سینٹر (سی سی سی ) میں منتقل کیاجائے گا۔
ورک فرام ہوم کو ترجیح
ریاستی حکومت کی جانب سے جاری کی گئی گائیڈ لائن میں کہاگیا ہے کہ جہاں تک ممکن ہو گھر سے کام (ورک فرام ہوم۔ ڈبلیوایف ایچ) کو ترجیح دی جائے۔ نجی دفاتر میں ۵۰؍ فیصد ملازمین کو کام کرنے کی اجازت ہوگی
Fajr | فجر | |
Dhuhr | الظهر | |
Asr | عصر | |
Maghrib | مغرب | |
Isha | عشا |