ترک عدالت کا کرد نواز سیاستدان دیمیرتاس کی رہائی کا حکم

  دیمیریتاس پر الزام ہے کہ وہ ایک دہشت گرد تنظیم کے سربراہ بھی تھے اور دہشتگردی کے حق میں پروپیگنڈا کرتے تھے

انقرہ:03ستمبر2019(فکروخبر/ذرائع)ترک دارالحکومت انقرہ کی ایک عدالت نے حکم دیا ہے کہ جیل میں قید کرد نواز سیاستدان صلاح الدین دیمیریتاس کو رہا کر دیا جائے تاہم دیمیرتاس کے وکیل نے بتایا ہے کہ اس سیاستدان کو فی الحال اس لیے ابھی جیل میں ہی رہنا ہو گا کیونکہ انہیں ایک دوسرے مقدمے میں سزائے قید سنائی جا چکی ہے۔ یہ ترک سیاستدان 2016 سے تفتیشی حراست میں ہیں۔غیرملکی خبررساں ادارے کے مطابق ان پر الزام ہے کہ وہ ایک دہشت گرد تنظیم کے سربراہ بھی تھے اور دہشت گردی کے حق میں پروپیگنڈا کرتے تھے۔ وہ فروری2018 تک ترکی میں اپوزیشن کی کرد نواز سیاسی جماعت ایچ ڈی پی کے سربراہ تھے۔