کسی گروپ کا جنگ سے متعلق انفرادی فیصلہ کرنا لبنان کے مفاد میں نہیں، عرب لیگ

 عرب لیگ کسی بھی جانب سے جارحیت کی صورت میں لبنان کی ریاست کے ساتھ مکمل یک جہتی کا اظہار کرتی ہے،بیان 

برلن:02ستمبر2019(فکروخبر/ذرائع)عرب لیگ کے جنرل سکریٹریٹ میں ایک ذمے دار ذریعے نے بتایا ہے کہ لیگ کے سکریٹری جنرل احمد ابو الغیط لبنان اور سرائیل کے بیچ سرحدی علاقوں میں فائرنگ کے تبادلے سے متعلق پیش رفت کا تشویش کے ساتھ جائزہ لے رہے ہیں۔ کسی بھی فریق یا گروپ کا جنگ سے متعلق انفرادی فیصلہ لبنانی ریاست اور عوام کے مفاد میں ہر گز نہ ہو گا۔غیرملکی خبررساں ادارے کے مطابق احمد ابو الغیط نے باور کرایا کہ عرب لیگ کسی بھی جانب سے جارحیت کی صورت میں لبنان کی ریاست کے ساتھ مکمل یک جہتی کا اظہار کرتی ہے۔ انہوں نے کہا کہ عالمی برادری اسرائیلی ردود عمل کو قابو میں رکھنے کی ذمے دار ہے، یہ ردود عمل اندرونی انتخابات کی غرض سے امور کو مزید جارحیت کی جانب لے جا سکتے ہیں۔