ایران خطرناک راستہ اختیار کر رہا ہے، برطانوی وزیر خارجہ

ایران کے خلاف فوجی راستہ اختیار نہیں کریں گے تاہم وہ سنگین نتائج   کیلئے تیار رہے،بیان 

لندن:21جولائی2019(فکروخبر/ذرائع)برطانوی وزیر خارجہ جیرمی ہنٹ نے ایران کی طرف سے اپنے آئل ٹینکر پر قبضے پر شدید تحفظات کا اظہار کرتے ہوئے کہا ہے کہ اگر ایران نے اس ٹینکر کو نہ چھوڑا تو اس کے سنگین نتائج برآمد ہوں گے۔  غیرملکی خبررساں ادارے کے مطابق گزشتہ روز ایک بیان میں انہوں نے کہا کہ یہ ایک پریشان کن پیش رفت ہے اورایران شاید غیرقانونی اور عدم استحکام کا باعث بننے والا خطرناک رویہ اختیار کر رہا ہے۔ انہوں نے واضح کیا کہ برطانوی حکومت اپنے بحری جہاز کا تحفظ یقینی بنائے گی۔ تاہم انہوں نے کہا کہ وہ اس تناظر میں فوجی راستہ اختیار کرنے کا ارادہ نہیں رکھتے۔