انٹرپول کے نئے سربراہ کا تعلق جنوبی کوریا سے

فرانس:21؍نومبر2018(فکروخبر/ذرائع)انٹرنیشنل پولیس یا انٹرپول کے نئے سربراہ کے لیے جنوبی کوریائی امیدوار کم جونگ یَنگ کا انتخاب کیا گیا ہے۔ کم جونگ یَنگ اس وقت عالمی پولیس کے ادارے کے عبوری سربراہ کا منصب سنبھالے ہوئے ہیں۔ اس انتخاب سے قبل روس سے تعلق رکھنے والے الیگزانڈرپروکوپچُک کو فیورٹ قرار دیا جا رہا تھا۔ آخری وقت پر امریکا نے جنوبی کوریا کے امیدوار کم جونگَ ینگ کی حمایت کا اعلان کیا تھا۔ یہ انتخاب اپنے ہی ملک چین میں لاپتہ ہو جانے والے انٹرپول کے سربراہ مینگ ہونگ وائی کی جگہ پر منقعد کیے گئے۔ ان کی مدت ملازمت سن 2020 میں ختم ہونی تھی۔