لائسنس حاصل کرنے سے امارات میں انٹر نیٹ اور سوشل میڈیا کے ذریعہ تجارت کی جاسکتی ہے،رپورٹ 

دبئی:03؍اکتوبر2018(فکروخبر/ذرائع) دبئی میں آن لائن تجارت کے 1390لائسنس جاری کر دئیے گئے جن میں سے 60فیصد خواتین نے حاصل کئے ہیں۔عرب ٹی وی کے مطابق گزشتہ سال سے لے کر اگست2018تک جاری ہونے والے آن لائن تجارت کے لائسنسوں میں سے اماراتی شہریوں کا حصہ 1284رہا جبکہ دوسرے نمبر پر سعودی شہری رہے ۔امارات میں آن لائن تجارت کرنے کا لائسنس حاصل کرنے والوں میں سر فہرست بحرینی، عمانی اور کویتی بھی شامل ہیں۔آن لائن تجارت کا لائسنس حاصل کرنے سے امارات میں انٹر نیٹ اور سوشل میڈیا کے ذریعہ تجارت کی جاسکتی ہے۔