بحرین کو سعودی عرب کیساتھ جوڑنے کے لئے نیا پل شاہ حمد تعمیر کرنے کا اعلان

نئے پل پر گاڑیوں کے لئے دو ٹریک کے علاوہ ٹرین بھی چلائی جائے گی،تعمیر کی تیاریاں مکمل 

منامہ۔:03؍اکتوبر2018(فکروخبر/ذرائع)بحرین کو سعودی عرب سے جوڑنے والا نیا پل تعمیر کیا جائے گا۔ نیا پل شاہ حمد کے نام سے منسوب ہوگا۔ اس میں گاڑیوں کے لئے دو ٹریک کے علاوہ ٹرین بھی چلائی جائے گی۔ عرب ٹی وی کے مطابق نئے منصوبے پر کام دو سال بعد ہوگا۔ شاہ حمدپل بحرین اور سعودی عرب کے درمیان اسٹراٹیجک تعلقات میں مزید استحکام پیدا کرنے کا سبب ہوگا۔ ذرائع کا کہنا تھا کہ پل کی تعمیر کی تیاریاں مکمل کی جارہی ہیں جبکہ لاگت کا تخمینہ لگایا جارہا ہے۔نیا پل جن علاقوں سے گزرے گاوہاں کی زمینوں کے مالکوں کو معاوضہ دینے کے لئے بھی تخمینہ لگایا جارہاہے۔ منصوبے میں نجی شعبے کی بھی شراکت داری ہوگی۔ 
دبئی میں آن لائن تجارت کے 1390لائسنس جاری