راہل گاندھی کے ننہیال میں تیل کی قیمت کیا ہے؟ بی جے پی کا سوال

حکمراں جماعت بی جے پی پٹرول اور ڈیزل کی بڑھتی قیمت کی بجائے ٹھوس اقدامات کرنے کے بیان بازی میں الجھی نظر آرہی ہے۔بی جے پی نے کانگریس صدر راہل گاندھی کو چیلنج دیتے ہوئے صلاح دی کہ پٹرول پر جھوٹ کی سیاست بند کر وہ اپنے ننیہال اٹلی میں پٹرول کی قیمت پتہ کر لیں۔
پٹرول کی بڑھتی قیمتوں کو لیکر کانگریس کے بھارت بند کے بعد بی جے پی نے اب کانگریس صدر راہل گاندھی کو تنقید کا شکار بنایا ہے۔
جھارکھنڈ کے صوبائی بی جے پی رہنما نے الزام لگایا کہ کانگریس صدر راہل گاندھی کو چیلنج دیتے ہوئے صلاح دی کہ اٹلی میں پٹرول کی قیمت پتہ کر لیں۔ وہاں بھارت کے مقابلے ڈیڑھ گنا سے زیادہ قیمت پر پٹرول بک رہا ہے۔

جھار کھنڈ بی جے پی کے ترجمان پروین پربھاکر نے کہا کہ بی جے پی کے انتظامیہ میں پٹرول کے دام کم ہوئے تھے، لیکن بین الاقوامی وجوہات سے دنیا میں تیل کی پیداوار کم ہوئی ہے، جس سے خام تیل کی قیمتوں میں اضافہ ہو ا ہے۔

خام تیل 80 ڈالر فی بیرل بک رہا ہے۔ سعودی عرب، ترکی، ایران، روس اور وینیجوئلا جیسے بڑے تیل پیداوار کرنے والے ممالک نے پیداوار کم کر دیا ہے، جس کی وجہ سے قیمتیں بڑھی ہیں۔

پربھاکر نے کہا کہ ہانگ کانگ میں پٹرول کی قیمت 157 روپے فی لیٹر اور اٹلی میں 137.38 فی روپے لیٹر ہے، جبکہ انگلینڈ اور جرمنی میں 125 روپے فی لیٹر ہے۔ دنیا کے زیادہ تر ممالک میں پٹرول کی قیمت بھارت سے زیادہ ہے۔