پانچ ابھرتے اقتصادیات کے حامل ممالک کی تنظیم ’’برکس‘‘کا سربراہ اجلاس جوہانسبرگ میں شروع ہوگیا 

ترک صدر اور روسی ہم منصب کے مابین ملاقات متوقع 

ماسکو:25؍جولائی2018(فکروخبر/ذرائع) 5ابھرتے اقتصادیات کے حامل ممالک کی تنظیم ’برکس‘ کا سربراہ اجلاس آج سے جنوبی افریقی شہر جوہانسبرگ میں شروع ہوگیا۔عالمی نشریاتی ادارے کے مطابق اس تنظیم کے رکن ملکوں میں برازیل،روس،بھارت،چین اور جنوبی افریقہ شامل ہیں۔جو رہنما جوہانسبرگ پہنچ رہے ہیں ان میں روس کے صدر ولادیمیر پیوٹن،بھارتی وزیراعظم نریندر مودی اور چینی صدر شی جن پنگ کی شرکت یقینی ہے۔اس 3روزہ سمٹ کے حاشیے میں شریک لیڈروں کی آپس میں اور میزبان صدر سیرل رامافوسا کے درمیان ملاقاتوں کا بھی بتایا گیا ہے۔جوہانسبرگ میں ترکی اور روسی صدور کی ملاقات کا اعلان بھی کیا گیا ہے