آگھمبے گھاٹ پر لینڈ سلائڈنگ ، ٹرافک دوسرے راستوں کی طرف موڑ دی گئی 

اڈپی 28؍ جون 2018(فکروخبر نیوز) موسلادھار بارش کی وجہ سے چارماڈی گھاٹ میں لینڈ سلائڈنگ کے بعد اب آگھمبے گھاٹ میں لینڈ سلائڈنگ کی وجہ سے ٹرافک دوسرے راستوں کی طرف موڑدی گئی ہے۔ موسلادھار بار ش کی وجہ سے آگھمبے گھاٹ میں مٹی کھسک گئی جسکے نتیجہ میں سڑک کمزور ہوگئی اور اس پر سے ٹرافک کا گذر خطرے سے خالی نہیں ہے۔افسران نے جائے واقعہ کا معائنہ کیا ہے۔ بتایا جارہا ہے کہ ضلع اڈپی او رجنوبی کنیراسے چکمنگلور اور شیموگہ جانے والی گاڑیاں اس راستے کا استعمال کیا کرتی تھیں۔ اس سڑک کے بند کرنے کی وجہ سے روزانہ ان چاروں کو اضلاع کی طرف جانے والی گاڑیوں کے لیے پریشانی کا سامنا کرنا پڑرہا ہے۔