لوک سبھا انتخابات کے نتائج کے بعد یوپی میں ہوئے 600 فرقہ وارانہ فسادات (مزید اہم ترین خبریں )

ایک انگریزی اخبار میں شائع رپورٹ کے مطابق ان میں سے قریب دو تہائی کیس ایسے ہیں جہاں پر وبال کی وجہ مذہب کو بنایا گیا۔ پھر چاہے وہ موجودہ سہارنپور فساد رہا ہو یا پھر دیگر کوئی اور۔ ان جگہوں پر مذہب کے نام پر مسئلہ بنا کر فرقہ وارانہ ہم آہنگی کو بگاڑنے کی کوشش کی گئی۔جن جگہوں پر اس طرح کے وبال ہوئے ہیں وہاں پر ایک طرف جہاں بی جے پی کافی مشتعل طور پر دکھائی دی وہیں سماج وادی پارٹی کا رویہ انتہائی منفی دکھائی دیا ۔ بی ایس پی نے ایسی جگہوں پر آپ کی واپسی کو لے کر کوشش کرتی ہوئی دکھائی دی۔اعداد و شمار بتاتے ہیں کہ اس طرح کے معاملات میں کہیں مسجد بنانے، دیوار ڈھہانے، قبرستان، مدرسہ اور لاڈ اسپیکر جیسے تنازعات کے بعد اٹھے اور بعد میں مشتعل ہو گئے۔ لوک سبھا انتخابات کے بعد اکیلے مغربی یوپی میں اس طرح کے 259 کیس سامنے آئے۔ وہیں بندیل کھنڈ میں چھ، مشرقی یوپی 16، اودھ میں 53 اور ترائی کے علاقے میں 29 کیس سامنے آئے ہیں۔اس طرح کے فسادات اکسانے میں جن تنازعات نے کام کیا اس میں چھیڑ چھاڑ سے لے کر باہمی مار پیٹ تک کے معاملے شامل ہیں۔حال ہی میں ہوئے سہارنپور فساد میں بھی اٹھا قبرستان۔گرودوارہ تنازعہ اس کا ایک جیتا جاگتا مثال ہے۔ اس کے علاوہ ایک جولائی کو مسجد میں لاڈ اسپیکر کو بند کروانے کا واقعہ کو طول دیا گیا جس کے بعد فساد ہوا۔ 

ای رکشہ پر 8اگست تک پابندی برقرار دہلی ہائی کورٹ سے کوئی راحت نہیں 

نئی دہلی۔5اگست ( فکروخبر/ذرائع) دہلی ہائی کورٹ کے ایک فیصلے نے حکومت اور ای رکشہ ڈرائیوروں کو جھٹکا دیا ہے۔ کورٹ نے سماعت کے دوران ای رکشہ کو فارغ کرنے سے انکار کرتے ہوئے اس پر آٹھ اگست تک پابندی لگا دی ہے۔ہائی کورٹ میں عرضی شیکھا رائے کی عرضی پر سماعت کے دوران عدالت نے صاف کر دیا کہ غیر قانونی طریقے سے ای رکشہ چلانے کی اجازت نہیں ہوگی۔کورٹ نے حکومت کو ہدایت دی کہ پہلے وہ ای رکشہ کو چلانے کے لئے گائیڈ لائن پیش کرے۔ اس کے بعد ہی اسے چلانے کی اجازت دی جائے گی۔کورٹ کے حکم پر حکومت کی جانب سے موجود وکیل نے ای رکشہ کے گائیڈ لائن کے لئے وقت کا مطالبہ کیا۔ اس پر عدالت نے حکومت کو دو دن کا وقت دیا۔ یعنی اب 8 اگست کو حکومت کو کورٹ کے سامنے کے ای رکشہ کے لئے گائیڈ لائن پیش کرنا ہو گا۔ اس سے پہلے کے ای رکشہ چلانے کی اجازت نہیں دی گئی ہے۔غور طلب ہے کہ گزشتہ دنوں مشرقی دہلی کے ترلوکپور میں ایک تین سال کے بچے کی ای رکشہ کی وجہ سے دردناک موت ہو گئی تھی۔ہائی کورٹ نے بچے کی موت کے بعد از خود نوٹس لیا تھا۔کورٹ نے معاملے کی سماعت کرتے ہوئے ای رکشہ کو خطرناک قرار دیا ہے۔

عام آدمی پارٹی کے دباؤ میں نہیں آئے گی بی جے پی 

نئی دہلی ۔5اگست ( فکروخبر/ذرائع) عام آدمی پارٹی (آپ) کے کنوینر اروند کیجریوال دہلی اسمبلی تحلیل دوبارہ انتخاب کرانے کے لیے دباؤ بنانے کی کوشش تو کر رہے ہیں لیکن فی الحال اس کا کوئی اثر نظر نہیں آ رہا ہے۔ بی جے پی کسی طرح کے دباؤ میں آنے کے بجائے کیجریوال کو ہی کٹہرے میں کھڑا کرنے کی حکم عملی بنا رہی ہے۔ اتوار کو جنتر منتر پر ریلی کر کیجریوال نے بی جے پی کو دہلی میں انتخابات کرانے کی چنوتی دی ہے۔ ریلی میں بھیڑ جمع کرنے میں بھی وہ کامیاب رہے۔ اس لئے بی جے پی لیڈر آپ کی ریلی کو سنجیدگی سے لیتے ہوئے دہلی کی سیاست پر اس کے اثرات کا اندازہ کرنے میں لگ گئے ہیں۔ اس کے باوجود بی جے پی دہلی کے سیاسی مستقبل کو لے کر کسی طرح کے دباؤ میں نہیں آئے گی۔ وہ اپنی سہولت و سیاسی فوائد کو ذہن میں رکھ کر ہی کوئی فیصلہ لے گی۔بی جے پی کے رہنما اتوار کو ہوئی کیجریوال کی ریلی کی پل پل کی معلومات اکٹھا کرنے میں لگے ہوئے تھے۔ بھیڑ کہاں سے اور کس طرح سے جنتر منتر پر پہنچی، اس کی مکمل معلومات حاصل کرنے کے بعد بی جے پی لیڈروں نے آپ پر حملہ کرنا شروع کر دیا تھا۔ پیر کو بھی بی جے پی لیڈروں نے حملہ جاری رکھا۔بی جے پی کے ریاستی صدر ستیش اپادھیائے اور سابق ریاستی صدر اور راجیہ سبھا ممبر وجے گوئل کا کہنا ہے کہ اروند کیجریوال کی سچائی لوگوں کے سامنے آ چکی ہے۔ وہ اب دہلی کے لوگوں کو اور نہں بہکا نہیں کر سکتے ہیں۔ بی جے پی کے رہنماؤں کا کہنا ہے کہ کیجریوال کا کوئی سیاسی موقف نہیں ہے۔ وہ عدالت میں جا کر اسمبلی تحلیل کرنے کا مطالبہ کرتے ہیں۔ اب وہ دوبارہ انتخاب کرانے کی بات کر رہے ہیں۔ پارٹی رہنماؤں کا کہنا ہے کہ وہ افسران کو سبق سکھانے کی بات کر رہے ہیں۔اس سے ان کی ذہنیت کا پتہ چلتا ہے۔ پہلے کیجریوال بی جے پی پر ریلی میں بسوں سے بھیڑ جمع کرنے کا الزام لگاتے تھے، لیکن اتوار کو ہوئی ان کی ریلی میں ہریانہ و اتر پردیش کے مختلف مقامات سے بسوں میں بھر کر لوگ لائے گئے۔ بی جے پی کے رہنماؤں کا کہنا ہے کہ کیجریوال کہتے کچھ اور کرتے کچھ اور ہیں۔ ان کے قول و فعل میں بھاری فرق ہے۔

دہلی اسٹیٹ حج کمیٹی کو گورنمنٹ کوٹہ کا ایک اور تحفہ۔ حاجی ڈاکٹر پرویز میاں

نئی دہلی ۔ 5 اگست (فکروخبر/ذرائع) دہلی اسٹیٹ حج کمیٹی کے چیئرمین ڈاکٹر پرویز میاں نے دہلی کے عازمین کو اطلاع دی ہے کہ نائب صدر جمہوریہ ہند کی جانب سے گورنمنٹ کوٹہ کے سیٹوں کا اعلان کردیا گیا ہے ۔ جس میں دہلی کے 25خوش قسمت لوگوں کا نام آیا ہے۔انہوں نے آگے بتایا کہ اس سے قبل صدر جمہوریہ ہند کی لسٹ بھی جاری کی گئی تھی جس میں دہلی والوں کی18سیٹیں کلیئر کی گئی تھی۔ڈاکٹر پرویز میاں نے مزید کہا کہ جن لوگوں کی سیٹیں کلیئر ہوئی ہیں ان کو بذریعہ فون اطلاع دی جا چکی ہے۔ اور انہیں 11؍اگست سے پہلے اپنے پاسپورٹ، ایک فوٹو گراف اور پیسے جمع کراکر اس کی رسیددہلی اسٹیٹ حج کمیٹی کے دفتر ، حج منزل، آصف، علی روڈ، نئی دہلی میں جمع کرانی ہے۔وقت مقررہ پر پیسے اور پاسپورٹ جمع نہیں کرانے والوں کی سیٹ رد کر دی جائیگی۔انہوں نے مزید کہاکہ دہلی کے عازمین حج کے ٹیکے 12اگست سے لگائیں جائیں گے اور دہلی سے پہلی پرواز27؍اگست کو روانہ ہوگی۔

’’سنڈیکیٹ ‘‘ بینک کے بورڈ آف ڈائریکٹر کے چیئرمین بدعنوانی کے الزام میں گرفتار

دہلی ۔ 5 اگست (فکروخبر/ذرائع) ہندوستان میں سرکاری بینک کے سربراہ کو بدعنوانی کے الزام میں گرفتار کرلیا گیا۔ ذرائع ابلاغ کے مطابق ہندوستان کے سرکاری ’’سنڈیکیٹ ‘‘ بینک کے بورڈ آف ڈائریکٹر کے چیئرمین سدھیر کمار جین کو بڑی کمپنیوں سے رشوت لینے کے شک میں گرفتار کیا گیا ہے مرکزی تفتیشی ادارے کے ذرائع کے مطابق جین سے 50 لاکھ روپے یعنی 82ہزار ڈالر ضبط کئے گئے ہیں جو انہیں اندازاً رشوت کے طور پر حاصل ہوئے تھے۔ تفتیشی ادارے کے سربراہ رنجیت سنہا کا کہنا ہے کہ اس کیس کی اعلیٰ سطح پر تحقیقات جاری ہیں اور اس سلسلے میں دہلی ‘ ممبئی ‘ بنگلور اور بھوپال میں 20 مقامات سے کاغذات ‘ کمپیوٹروں سے معلومات اور نقد رقوم ضبط کرلی گئی ہیں ۔ سدھیر کمار جین کے علاوہ 11مزید افراد کے خلاف تحقیقات جاری ہیں ۔

پروٹین انسانی جسامت کوبنانے اورجسم کی بڑھوتر ی کیلئے لازمی اجزاء ہیں۔ماہرین 

چنڈی گڑھ۔5 اگست (فکروخبر/ذرائع) ماہرین نے بتایا ہے کہ پروٹین انسانی جسامت کوبنانے اورجسم کی بڑھوتر ی کیلئے لازمی اجزاء ہیں بیماریوں کےَ خلاف مزاحمت کی قوت رکھتے ہیں بڑوں اوربچوں میں پروٹین کی کمی کے باعث بیماریاں جنم لیتی ہیں انسانی خوراک پروٹین کے 2ذرائع سے حاصل کی جاسکتی ہے جن میں جانور اورپودے شامل ہیں فی کس پو د ے سے حاصل ہونے والی پروٹین کا تناسب 60فیصداور40فیصدجانوروں سے حاصل ہوتا ہے ترقی یافتہ ممالک میں جانوروں کی پروٹین کا حصہ 70فیصدروزانہ فی کس ہے ا س کے ساتھ صحت مند اورلمبی زندگی گزاری جاسکتی ہے ملک میں دودھ دینے وا لے جانوروں میں گائے اوربھینس شامل ہے لمحہ فکریہ ہے کہ ملک میں لائیوسٹاک پولٹری فشریز اوردیگر ذرائع ہونے کے باو جو د پیداوار مطلوبہ مقدارمیں حاصل نہیں کی جارہی ہے حالانکہ ماہرین جانوروں کی پروٹین پر زیاد ہ توجہ دے رہے ہیں کیونکہ سبزیوں سے پروٹین کم ملتی ہے اس کی کئی وجوہات ہیں کم عمر جانوروں کے ذبح کیے جانے سے میل جانوروں کی کمی ہوجانا خطرنا ک بیماریوں کے باعث لائیوسٹا ک اورپولٹر ی کی صحت کاخراب ہو جانا پیداوار میں اضافے کیلئے منصوبہ بندی کا فقدا ن فی یونٹ پیداوار کی کمی میں فارمرز کا جانوروں کی پیداوار کے حوالہ سے شعور نہ رکھنا مارکیٹوں میں لائیوسٹا ک کی فروخت کا غیرسائنسی نظا م بیماریوں اور پیداوار کے حوالہ سے ریسرچ میں کمی اہم نکات ہے جن کی وجہ سے مطلوبہ پیداوار حاصل نہیں ہوتی اس لیے مناسب پیداوار حاصل کر نے کیلئے ٹھوس حکمت عملی اور جدیدتحقیقات کے ساتھ ساتھ جدید نکات پر بھی عمل کرنا ہو گا ۔