دن دہاڑے گھر میں گھس گئے لٹیرے

بائیک میں سوار دو افراد اچانک گھر میں گھس کر گھر مالکن عورت کو ایک نمبر پر فون ڈائل کرنے کے لئے کہا۔ گھر مالکن فون لانے کے بہانے دوسرے کمرے میں جاکر گھر سے باہر بھاگنے کی کوشش کی تو اس پر حملہ کردیااور بال کھینچ کر بٹھا دیا ۔عورت جب اچانک مدد کے لیے چیخنے چلانے لگی تو گھر کے باہر باغ میں کام کررہا گھر مالک کیشوا گھر کی جانب بھاگ آئے۔ یہ دیکھ کر لٹیرے اچانک بائیک پر سوار ہوکر فرار ہونے لگے اور کیشوا کی جانب سے پیچھا کئے جانے پر اپنے پاس موجود بندوق سے فائرنگ شروع کردی۔گولی چوک جانے کی وجہ سے کیشواکو کوئی چوٹ نہیں پہنچی ہیں۔ جب کہ لٹیروں کی جانب سے حملہ کئے جانے پر کیشوا کی بیوی کے چہرے پر چوٹیں پہنچی ہیں۔ اس طرح کی شکایتی تحریر اُلال پولس تھانے میں درج کی گئی ہے۔ بتایا جارہا ہے کہ حملہ آوروں نے غلط اڈریس پر پہنچ کر غلط آدمی کے سلسلہ میں دریافت کررہے تھے ، اس وجہ سے بوکھلائے ہوئے لٹیروں نے کیشوا پر حملہ کردیا۔ پولس مقدمہ درج کرکے یہ تفتیش کررہی ہے کہ آیا یہ ہفتہ وصولی تھی یا کسی اور مقصد سے حملہ آور آئے تھے۔