بھٹکل مدینہ ویلفیر سوسائٹی کی جانب سے تعلیمی ایوارڈ کی خوبصورت تقریب کا انعقاد

اس موقع پر مولانا عرفان ندوی نے مدینہ ویلفیر سوسائٹی کی تین سالہ کارکردگی کی رپورٹ حاضرین کے سامنے پیش کی ،جس میں انہوں نے  مدینہ ویلفیر کی جانب سے  انجام پانے والے کاموں کا تذکرہ کرتے ہوئے خدمت خلق اور تعلیم کے فروغ کے لئے کی جانے والی  کوششوںکی سراہنا کی پروفیسر زرزری صاحب نے اپنے صدارتی کلمات پیش کرتے ہوئے کہا کہ میں چالیس سال سے تعلیمی لائن میں کام کر رہا ہوں،میرا تجربہ کہتاہے کہ ہمارے لڑکے انتہائی ذہین ہیں ،اور آج کے حالات ایسے ہیں کہ ہم IAS IPS KAS KPSمیں اپنے طلباء کا داخلہ کروائیں جو موجودہ دور کی اہم ترین ضرورتوں میں سے ہے۔ اس موقع پر عوام کی ایک بڑی تعداد نے شرکت کی اور طلباء کی ہمت افزائی کی ، خیال رہے کہ یہ تعلیمی ایوار ڈ چھٹی جماعت سے لے کر pucتک کے ممتاز طلباء وطالبات کے مابین تقسیم کیا گیا ،نظامت کے فرائض مولانا عدنا ن ندوی نے بحسن خوبی انجام دئے جبکہ مولانا عبدالسمیع آرمار ندوی نے مہمانان کا استقبال کیا ۔ دعائیہ کلمات پر یہ نشست اپنے اختتام کو پہنچی۔