جامعہ اسلامیہ بھٹکل میں پہلی بار بیک وقت کئی زبانوں میں نعتیہ مظاہرہ کا انعقاد

اس موقع پر اسٹیج پر موجود مہمانان میں استاد دارالعلوم ندوۃ العلماء لکھنو کے استاد حدیث مولانا عمیس صاحب ندوی نے اپنے خیالات کا اظہار کرتے ہوئے کہا کہ نعت رسول سے انسان کو عشق ہونا چاہے اور اس کا اظہار اس کے دل سے سرشاری سے ہوتا ہے ۔ محبت رسول سے دل سرشار ہو تو نعت کا لطف لینے کے لیے کسی زبان کا سمجھنا ضروری نہیں بلکہ اس کی لذت سے وہ ہر وقت لطف واندوز ہوتا رہتا ہے۔ سابق صدر شعبۂ حفظ محترم حافظ کبیرالدین صاحب نے بھی اپنے مخصوص انداز میں اپنا کلام پیش کیاجس کو سن کر حاضرین پرانی یادوں میں کھوگئے۔ صدر جلسہ ونائب صدر جامعہ اسلامیہ بھٹکل مولانا محمد اقبال ملا ندوی نے کہا کہ محبت میں مطلوب نسبت ہے ، نسبت صحیح ہو تو دلوں میں خود بخود محبت پیدا ہوجاتی ہے۔ مولانا نے اس موقع پر قصیدۂ بردہ کا تذکرہ کرتے ہوئے محبت رسول پیدا کرنے پر زور دیا۔ ملحوظ رہے کہ اس نعتیہ مظاہرہ کا آغاز شیبان گنگولی کی قرأت سے ہوا ، نوید احمد نے حمد پیش کی ، اس موقع پر مولانا عمیس صاحب کے فرزند عبداللہ نے اپنی سریلی آواز بہترین نظم پیش کی۔ نظامت کے فرائض انعام کولا اور رحمت اللہ نے انجام دئیے قریب ساڑھے گیارہ بجے یہ جلسہ اپنے اختتام کو پہنچا۔