خلیفہ جماعت المسلمین بھٹکل کی جانب سے عازمین حجاج کے لیے تربیتی کیمپ کا انعقاد

مولانا نے اپنے خطاب میں کہا کہ عموماً یہاں سے جانے والے اکثر افراد تمع طریقے پر حج کرتے ہیں او راس طریقہ حج کرنے والوں کو ایک دم دینا پڑتا ہے۔ مولانا نے حجاج کرام کی ایک اہم بات پر توجہ مبذول کراتے ہوئے کہا کہ ہر حال میں اپنا کارڈ ساتھ رکھیں۔ کیونکہ اس کارڈ ہی کے ذریعہ سے پتہ معلوم ہوجاتا ہے ۔ لہذا تمام افراد اس بات کی زیادہ کوشش کریں کہ کارڈ ہمیشہ آپ کے ساتھ ہی رہیں۔ مولانا نے اپنے تفصیلی خطاب میں حج کے تمام ارکان کاتفصیلی تذکرہ کرتے ہوئے اس سے متعلق تمام مسائل بھی بیان کئے۔ استاد ادب جامعہ اسلامیہ بھٹکل مولانا محمد اقبال نائیطے ندوی نے کہا کہ حج کی ادائیگی کے دوران گناہوں اور بے حیائی کی باتوں سے بھی پرہیز کرنا چاہیے اور ہمیں حالتِ احرام میں اس بات کا زیادہ دھیان رکھنا چاہیے کہ ہم سے کوئی ایسا عمل ہرگز سرزد نہ ہو جس سے اللہ ناراض ہوتی ہے۔ مولانا نے عازمین حجاج سے خطاب کرتے ہوئے کہا کہ حج کے بعد ہماری زندیگوں میں تبدیلی واقع ہونی چاہیے۔ مولانا ایمن علی قمری ندوی نے مدینہ منورہ کے آداب بیان کرتے ہوئے کہا کہ یہ سفر ہمارا جذباتی نہ ہو بلکہ اس سے فائدہ اٹھانے کے لیے ہمیں خود کو ذہنی طور پر تیار کرانی ضرورت ہے۔ خلیفہ جماعت المسلمین بھٹکل کے صدر جناب سید حسن سقاف صاحب نے اجلاس کے مقاصد پر روشنی ڈالی اور مولانا محمد جعفر ندوی نے استقالیہ کلمات ادا کیا۔ نظامت کے فرائض جناب صادق اسرمتا نے بحسنِ خوبی انجام دئیے۔