اُڈپی 20 اپریل2024: ریاستی حکومت کوئلے اور ہائیڈل پاور پروجیکٹوں کے ذریعے بجلی پیدا کرنے کے روایتی طریقوں کے علاوہ زیادہ شمسی توانائی کے استعمال پر توجہ مرکوز کر رہی ہے۔ وزیر توانائی کے جے جارج نے صحافیوں سے گفتگو کرتے ہوئے کہا کہ

کہ اگرچہ ریاست کو خشک سالی کا سامنا ہےلیکن حکومت بجلی کی صورتحال کو اچھی طرح سے سنبھال ری ہے۔

انہوں نے کہا کہ حکومت نے 2014-15 میں پاواگڈا میں 2,000 میگاواٹ صلاحیت کے شمسی پاور پارک کی منظوری دی تھی۔ اب پاواگڈا کے کسان پارک کی توسیع کے لیے پارک کے لیے دستیاب زمین کے علاوہ 10,000 ایکڑ زمین لیز پر دینے کے لیے آگے آئے ہیں۔ مدھوگیری کے کسان بھی سولر پارک کے لیے اپنی زمین دینے کے لیے آگے آئے ہیں۔ حکومت زیادہ سے زیادہ شمسی توانائی کے استعمال پر توجہ دے گی۔

وزیر نے کہا کہ اگر اڈپی میں اڈانی پاور لمیٹڈ جیسے موجودہ نجی تھرمل پاور پلانٹس اپنی بجلی پیدا کرنے کی صلاحیت کو بڑھانے کا فیصلہ کرتے ہیں تو حکومت اپنا تعاون بڑھانے کے لیے تیار ہے۔

مسٹر جارج جو اُڈپی-چکمنگلورو لوک سبھا حلقہ کے کانگریس الیکشن انچارج ہیں، نے الزام لگایا کہ بی جے پی انتخابات جیتنے کے لیے کانگریس کے خلاف جھوٹ پھیلا رہی ہے۔