بنگلورو20 اپریل 2024(آئی اے این ایس) سابق وزیر اعظم اور جنتا دل سیکولر (جے ڈی-ایس) کے صدر ایچ ڈی۔ دیوے گوڑا نے کانگریس لیڈر راہل گاندھی کے 'جے ڈی ایس بی جے پی کی بی ٹیم ہے' کے ریمارک کا جواب دیتے ہوئے کہا: "ہاں، میں بی جے پی کی بی ٹیم لیڈر ہوں، تو کیا؟

کولار پارلیمانی سیٹ پر این ڈی اے کے امیدوار ملیش بابو کے لیے ایک ریلی سے خطاب کرتے ہوئے انہوں نے کہا کہ گزشتہ اسمبلی انتخابات میں لوگوں نے کانگریس حکومت کو ضمانت کے لیے منتخب کیا تھا، اور اب بنگلورو میں عوام اور خواتین پینے کے پانی کے لیے بھی پریشانی کا شکار ہیں۔

دیوے گوڑا نے کہا کہ خطے کو پانی فراہم کرنے کے لیے ایٹناہول پروجیکٹ کو اس وقت کے وزیر اعلیٰ جگدیش شیٹر نے بی جے پی حکومت کے دور میں منظوری دی تھی۔ پروجیکٹ کے لیے بچھائے گئے پائپوں کو اب زنگ لگ رہا ہے۔ کانگریس اس منصوبے کو ترجیح نہیں دے رہی ہے لوک سبھا الیکشن کے بعد کانگریس کی حکومت اقتدار میں نہیں ہوگی۔  

دیوے گوڑا نے مزید کہا کہ کہ میری عمر 93 سال ہے۔ 2014 میں، میں نے وزیر اعظم نریندر مودی کو چیلنج کیا اور شکست ہوئی، میں اپنا استعفیٰ دینے کے لیے تیار تھا جیسا کہ میں نے چیلنج کیا تھا۔ تاہم وزیر اعظم مودی نے مجھ سے کہا کہ پارلیمنٹ میں میرے تجربہ کی ضرورت ہے۔

انہوں نے مزید کہا کہ اس بار پی ایم مودی کو 400 لوک سبھا سیٹیں جیتنے کا یقین ہے۔

یاد رہے کہ وائیناڈ کے ایم پی راہول گاندھی نے اپنے حالیہ کرناٹک دورہ کے دوران دیوے گوڑا پر تنقید کرتے ہوئے کہا تھا کہ انہوں نے لوگوں کو خبردار کیا تھا کہ جے ڈی ایس بی جے پی کی بی ٹیم ہے اور اب وہ شراکت دار بھی بن چکے ہیں۔