پندرہ اگست کی رات پارٹی کی تقریب واردات میں بدل گئی

تفصیلات کے مطابق تھوکٹو جنکشن کے قریب یومِ آزادی کی پارٹی میں چند نشہ میں دھت نوجوان مقتول یاتیش کے گھر میں ہی خوشی منارہے تھے کہ اچانک یاتیش نے دوسرے دوست کو ایک لڑکی کے نام کے ساتھ چھیڑنا شروع کردیا ۔ تو پھر پارٹی میں اچانک تلخی پیدا ہوئی اور اس کے بعد،یاتیش کے گھر سے قریب واقع ایک بار میں اس کے دوست جن کی شناخت ادئے ، ستیش وکرم اور ونئے کی حیثیت سے کرلی گئی ہے چلے گئے ،پھر فون کرکے یاتیش کو بھی بلالیا،دوبارہ اس پرانی بات پر میں میں تو تو شروع ہوئی تو چاروں دوستوں نے مل کر یاتیش کے پیٹ میں چرا گھونپ کر زخمی کردیا۔سخت زخمی حالت میں یاتیش کو شہر کے ایک نجی اسپتال میں داخل کیا گیا جہاں وہ زخموں کی تاب نہ لاتے ہوئے چل بسا ۔ مقتول پیشہ سے آٹو رکشہ ڈرائیور ہے۔۔ الال پولیس معاملہ کی مزید تحقیقات کررہی ہے ۔ قتل میں استعمال شدہ چاقو برآمد کرلیا گیاہے ۔