عام آدمی پارٹی (اے اے پی) کے راجیہ سبھا ممبر پارلیمنٹ سنجے سنگھ کو بدھ کو انفورسمنٹ ڈائریکٹوریٹ نے دہلی حکومت کی اب ختم شدہ ایکسائز پالیسی کیس میں منی لانڈرنگ کی تحقیقات کے سلسلے میں گرفتار کیا تھا ۔یہ گرفتاری ایجنسی کی طرف سے ان کی رہائش گاہ پر تلاشی لینے کے چند گھنٹے بعد ہوئی ہے۔اس معاملے میں یہ دوسری ہائی پروفائل گرفتاری ہے - اس سے قبل فروری میں دہلی کے نائب وزیر اعلیٰ منیش سسودیا کو اسی کیس کے سلسلے میں گرفتار کیا گیا تھا

صبح تقریباً 7 بجے ای ڈی حکام کی ایک ٹیم نئی دہلی ضلع میں سنگھ کی رہائش گاہ پر پہنچی اور تلاشی شروع کی

سنجے سنگھ کی گرفتاری کو "مکمل طور پر غیر قانونی" قرار دیتے ہوئے، دہلی کے سربراہ اور AAP کے قومی کنوینر اروند کیجریوال نے کہا: "یہ مودی جی کی مایوسی کو ظاہر کرتا ہے۔ وہ اپوزیشن کے بہت سے لیڈروں کو گرفتار کر لیں گے۔

دریں اثنا، سنجے سنگھ کی رہائش گاہ کے مرکزی دروازے کو پولیس نے روک دیا ہے کیونکہ AAP کارکنان باہر جمع ہوئے اور ان کی گرفتاری پر مرکز کے خلاف نعرے لگائے۔

اان کے گھر سےکئی کاغذات ضبط کیے گئے۔ طویل پوچھ گچھ کے بعد ای ڈی نے سنجے سنگھ کو بدھ کی شام تقریباً 5:30 بجے گرفتار کیا۔ سنجے سنگھ کا نام ایکسائز پالیسی کیس کی چارج شیٹ میں بھی ہے۔ منیش سسودیا اس معاملے میں فروری سے جیل میں ہیں۔ اس سال جنوری میں ای ڈی نے اپنی چارج شیٹ میں سنجے سنگھ کا نام شامل کیا تھا۔ سنجے سنگھ نے اس کو لے کر کافی ہنگامہ کھڑا کر دیا تھا۔

سنجے سنگھ نے دعویٰ کیا کہ ای ڈی نے غلطی سے ان کا نام شامل کیا ہے۔ جس پر ای ڈی نے جواب دیا کہ ان کی چارج شیٹ میں چار مقامات پر سنجے سنگھ کا نام لکھا گیا ہے۔ ان میں سے تین جگہوں پر نام کی ہجے درست ہے۔ صرف ایک جگہ ٹائپنگ کی غلطی تھی۔

جس کے بعد ای ڈی نے سنجے سنگھ کو مشورہ دیا تھا کہ وہ میڈیا میں بیان نہ دیں، کیونکہ معاملہ عدالت میں زیر التوا ہے۔ ای ڈی کی چارج شیٹ میں سنجے سنگھ پر 82 لاکھ روپے کا چندہ لینے کا الزام ہے۔ اس سلسلے میں ای ڈی بدھ کو ان کے گھر پہنچی اور ان سے پوچھ گچھ کرنے لگی۔

اس بیچ عام آدمی پارٹی (آپ) کے سینئر لیڈر اور دہلی کے وزیر ماحولیات گوپال رائے نے کہا کہ بھارتیہ جنتا پارٹی (بی جے پی) کو آنے والے انتخابات میں شکست ہونے والی ہے اس لیے وزیر اعظم نریندر مودی بوکھلاہٹ میں سنجے سنگھ کے گھر پر چھاپہ ماری کروا رہی ہے مسٹرگوپال رائے نے آج کہا کہ سنجے سنگھ کے گھر انفورسمنٹ ڈائریکٹوریٹ (ای ڈی)کی چھاپہ ماری اس لئے ہو رہی ہے کیونکہ اس ملک کا ہر سروے بتا رہا ہے کہ بی جے پی آئندہ انتخابات میں ہار رہی ہے۔ انہوں نے کہا کہ مسٹر مودی اس بوکھلاہٹ میں کارروائی کررہے ہیں۔