جناب پرویز قاسمجی کو تنظیم کی مجلسِ عاملہ میں شامل کرنے کی اپیل

ان کا کہنا تھا کہ اس معاملہ پر تنظیم کے ذمہ داران سے اس قبل بھی نوجوانوں کے ایک وفد نے ملاقات کی تھی لیکن اس کے باوجود اس سلسلہ میں کوئی پیش رفت نہیں ہوئی۔تنظیم کے دستور کی دفعہ ۷ شق نمبر ۱۶ کے مطابق ایسے سخت فیصلوں کے خلاف مجلسِ عاملہ میں ۲۱ دن کے اندر اپیل کا حق دیا گیا ہے اور اس کافیصلہ تین ماہ کے اندر مجلسِ عاملہ کو کرنا لازم ہے ۔ جناب پرویز قاسمجی نے اپیل دائر کی تھی اور مطالبہ کیا تھا کہ اس مسئلہ کو مجلسِ عاملہ میں لاکر قطعی فیصلہ کیا جائے لیکن اب تقریباً ایک سال کا عرصہ گزرچکا لیکن اب تک کوئی اقدام نہیں کیا گیا ۔ ساتھ ہینوجوانوں نے الزام لگایا ہے کہ اس سلسلہ میں بڑی عجلت سے کام لیا گیا اور عدل وانصاف سے کام نہیں لیا ۔نوجوانوں نے اس موقع پر دعویٰ کیا کہ جناب پرویز قاسمجی کی خدمات کو تنظیم کو ضرورت ہے اور اس جیسے لیڈران قوم کے لیے کچھ کرنے کا حوصلہ رکھتے ہیں ۔ تنظیم کے صدر جناب مزمل قاضیا نے معاملہ کو سنجیدگی سے لیتے ہوئے نوجوانوں کو یقین دلایا کہ وہ اس مسئلہ کومیٹنگ میں ضرور لائیں گے۔ واضح رہے کہ چند وجوہا ت کی بناء پر جناب پرویز قاسمجی کو تنظیم کی مجلسِ عاملہ سے خارج کردیاگیا تھا۔