امیٹھی: ریاست اترپردیش کے ضلع امیٹھی میں ایک دل دہلا دینے والا واقعہ سامنے آیا ہے۔ یہاں ایک چار سالہ بچہ کو آگ میں جلا کر ہلاک کردیا گیا۔ بچے کی لاش گاؤں کے قریب نالے میں پڑی ہوئی ملی۔ بچہ اتوار کی شام دیر گئے گھر سے لاپتہ ہو گیا تھا۔ بچے کا جسم آدھا جل چکا تھا اور اس کی آنکھیں بھی نکالی گئی تھیں۔ لواحقین نے توہم پرستی کے باعث بچے کی قربانی کا خدشہ ظاہر کیا ہے۔ پولیس نے لاش قبضہ میں لے کر معاملہ کی تفتیش شروع کر دی ہے۔

امیٹھی ضلع کے جامو تھانہ علاقے کے تحت ریسی گاؤں کے رہنے والے جتیندر پرجاپتی کے چار سالہ بیٹے ستیندر عرف دیپو کی آدھی جلی ہوئی لاش پیر کی صبح ملی۔ بچے کے جسم پر مختلف مقامات پر جلنے کے نشانات پائے گئے ہیں۔ لواحقین نے خدشہ ظاہر کیا ہے کہ کسی نے توہم پرستی کی وجہ سے بچے کی قربانی کے دوران بچے کو جلا کر ہلاک کر دیا ہے۔ اس کی آنکھیں بھی نکال دی گئی ہیں۔

بچہ اتوار کی شام سات بجے کے بعد اچانک لاپتہ ہو گیا تھا۔ کافی تلاش کے بعد بھی اس کا پتا نہیں چل سکا۔ پیر کو تلاشی کے دوران اس کی لاش گاؤں کے قریب ایک نالے میں پڑی ہوئی ملی۔ اطلاع ملنے پر پولیس نے موقع پر پہنچ کر لاش قبضہ میں لے کر تفتیش شروع کر دی۔ بچے کے والد جتیندر پرجاپتی نے بتایا کہ لاش جلی ہوئی ملی تھی۔ دونوں کی آنکھیں بھی پھٹی ہوئی تھیں۔ایسا لگتا ہے جیسے کسی نے توہم پرستی میں یہ کام کیا ہو۔ بچے کے والد نے اس واردات کو انجام دینے والے کے خلاف سخت کارروائی کا مطالبہ کیا ہے۔ علاقائی افسر گوری گنج منگ دویدی نے بتایا کہ جامو تھانہ علاقہ کے ریسی گاؤں میں ایک بچے کی لاش ملی ہے۔ لاش کو تحویل میں لے کر پوسٹ مارٹم کے لیے بھیج دیا گیا ہے۔ معاملے کی تحقیقات شروع کر دی گئی ہے۔