ٹوکیو: 14/مئی/2022(فکروخبر/ذرائع)جاپان کا قومی قرضہ تاریخ کی بلند ترین سطح پر پہنچ گیا، مارچ کے اختتام پر جاپان پر واجب الادا قرض 95 کھرب ڈالر پر جا پہنچا۔

بین الاقوامی میڈیا کے مطابق جاپان کا قومی قرضہ مسلسل چھٹے سال تاریخ کی نئی بلندی پر پہنچ گیا ہے۔

جاپانی وزارت خزانہ کا کہنا ہے کہ مارچ کے اختتام پر بقیہ قرضہ لگ بھگ 12 ہزار 413 کھرب ین، یا تقریباً 95 کھرب ڈالر تھا۔

اس کی ایک وجہ طبی اور نرسنگ دیکھ بھال جیسے سماجی تحفظ کے اخراجات کے ساتھ ساتھ پنشن کی تیزی کے ساتھ بڑھتی ہوئی ادائیگیوں کو قرار دیا گیا ہے۔

ایک اور عنصر عالمی وبا ہے جس کی وجہ سے حکومت کو ٹیکس آمدنیوں سے ہونے والی کمی کو پورا کرنے کے لیے فوری طور پر تمسکات کا اجرا کرنا پڑا۔

رواں مالی سال کے لیے حکومت کا بجٹ 369 کھرب ین مالیت یا تقریباً 283 ارب ڈالر کے نئے تمسکات جاری کرنے پر زور دیتا ہے کیونکہ عالمی وبا جاری ہے۔

حکومت کو یوکرین کی صورتحال کے باعث بڑھتی ہوئی قیمتوں پر بھی قابو پانے کی ضرورت ہے جس کے باعث مالیات پر مزید سخت بوجھ پڑا ہے۔

ARY News Urdu