منکی جماعت المسلمین کی جانب سے عنایت اللہ کے حق میں انتخابی جلوس

کل قصبہ منکی کے جماعت المسلمین کے احباب اور کئی اسپورٹس سنٹر کے نوجوان اور علماء کرام نے ایک جلوس نکال کر انتخابی مہم چلائی اور منکی کے ہر گلی نکڑ میں پر پہنچ کر جناب عنایت اللہ شاہ بندری کے حق میں ووٹ کی اپیل کی ۔ اسی طرح شہر بھٹکل کی دکن ویلفیر اسوسی ایشن نے بھی جناب عنایت اللہ کی ایک مختصر ملاقات میں ان کی حمایت کا اعلان کیا ہے اسی طرح عیسائی برادری کے فادر نے بھی عیسائی برادری کی حمایت کو گرین سگنل دے دیا ہے ۔ ممبئی بھٹکل جماعت کی جانب سے باضابطہ یہ اعلان کیا گیا ہے کہ جو کوئی انتخابات میں ووٹنگ کے لیے شہر بھٹکل پہنچنا چاہتے ہیں کہ ان کے آمدو رفت کے اخراجات کا بار جماعت اُٹھائے گی۔ اسی طرح اس انتخابات کو شہر بھٹکل کے مسلمان ایک چیلنج کے روپ میں دیکھتے ہوئے ملک و بیرون ملک میں جو حضرات موجودہیں وہ شہرِ بھٹکل میں جمع ہوتے نظر آرہے ہیں۔ 
(تصاویر فوٹوگیلری میں دیکھ لیں )