English   /   Kannada   /   Nawayathi

 سعودی عرب علاقے القریات : پورے علاقے نے سفید چادر اوڑھ لی ، برف باری کی ویڈیو سوشمل میڈیا پر وائرل

share with us

ریاض: 22نومبر2021(فکروخبر/ذرائع)  سعودی عرب کے علاقے القریات میں سال کی پہلی برفباری ہوئی جس کے نتیجے میں پورے علاقے نے سفید چادر اوڑھ لی ، برف باری کی ویڈیو سوشمل میڈیا پر وائرل ہوگئی ۔ عرب میڈیا کے مطابق سوشل میڈیا پر وائرل ہونے والی مختلف ویڈزیو میں القریات میں برف باری کے مناظر دیکھے جاسکتے ہیں ، جہاں زمین ہر طرف سفید چادر اوڑھے ہوئے نظر آرہی ہے ۔

بتایا گیا ہے کہ یہ برف باری المربعانیہ سیزن میں ہونے والی بارش اور برف باری کا حصہ ہے جو کہ سردیوں کی آمد کا عملی آغاز ہے ، موسم کی تازہ لہر تیرہ دن برقرار رہنے کی پیشگوئی کی گئی ہے۔ 

 خیال رہے کہ سعودی عرب کا شمار دُنیا کے گرم ترین خطوں میں ہوتا ہے تاہم رواں برس سعودیہ پر موسم کے اعتبار سے بڑی رحمت بن کر نازل ہوا ، جہاں چند ماہ قبل سعودیہ کے عسیر اور حائل کے علاقوں میں برف باری کے مناظر نے دیکھنے والوں کو حیران کر دیا تھا ، اس کے بعد ایک اور سعودی شہر میں اس وقت برف باری کی اطلاعات موصول ہوئیں ، جب جنوبی شہر مندق میں ڈھیر برف باری ہوئی ، جس کے بعد سارا علاقہ برف کی موٹی تہہ سے بھر گیا ، درختوں پر بھی برف روئی کے سفید گالوں کی طرح جم گئی ، کھیتوں، پہاڑوں اور میدانوں میں بھی ہر طرف برف کی سفید چادر بچھی نظر آئی ، یوں لگا جیسے یہ شہر کوئی موسم سرما کی منظر کشی کرنے والی شاہکار پینٹنگ ہو۔

 

 

 

اپریل میں ہونے والی برف باری نے سیاحوں کو اس علاقے کا رُخ کرنے پر مجبور کر دیا ، مندق کے علاقے میں بارشیں بہت زیادہ ہوتی ہیں، جس کی وجہ سے یہ علاقہ بہت سرسبز و شاداب ہے اور یہاں کا درجہ حرارت موسم گرما میں 30 ڈگری سینٹی گریڈ سے کم ہی رہتا ہے جب کہ سردیوں میں شدید سردی اور دُھند ہوتی ہے ، کئی بار درجہ حرارت صفر سینٹی گریڈ تک گر جاتا ہے۔ 

Urdu Point News

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا