شہرِ بھٹکل کے ہوٹل فار سیژن(بار) پر لگے گا تالا

^{بلدیہ چیف افسر محترمہ نے ان باتوں کا اظہار اس موقع پر کیا جب یہاں کے مقامی ذمہد اران کے ایک گروپ نے مذکورہ بالا ہوٹل کے غیرقانونی ہونے اور پھر بغیر لائسنس کے چلائے جانے کا الزام لگاتے ہوئے ان کے دفتر میں شکایت نامے کے ساتھ پہنچے ۔ اس موقع پر مقامی احباب نے الزام لگایا کہ یہاں آس پاس میں رہائشی مکانات ہیں، اسکول و کالجس ہیں، شہر بھٹکل میں اغوائی کے واردات پیش آرہے ہیں، ایسے حالات میں بیچ شہر ایک ’’بار‘‘ کا ہونا باعثِ تشویش بھی ہے اور عوام کے لیے پریشانی کا باعث بھی،شرابی نشہ کے دھت میں کیا کرتے ہیں یہ خود انہیں کو اندازہ نہیں ہوتا۔ ایسے حالات میں بیچ شہر میں بار بغیر لائسنس کے چلایا جارہا ہے۔ واضح رہے کہ اسی مہینہ کے 18تاریخ کو ایک مقامی کنڑا اخبار میں یہ نوٹس جاری کی گئی تھی کہ شہر بھٹکل میں ایک بار ہوٹل کے افتتاح کے لیے بلدیہ سے اجازت طلب کی گئی ہے اس وجہ سے تین ہفتہ کے اندر کسی کو اعتراض ہو تو بلدیہ دفتر سے رجوع کرکے درخواست دی جائے۔ اسی بات کے ردِ عمل کے طور پر مقامی احباب نے یہ اعتراض یہاں جتایا اور اپیل کی کہ فوری طور پر بار کے لائسنس کو منسوخ کیا جائے ، مگر اس موقع پر چیف افسر انو پما نے بتایا کہ ابھی تک بلدیہ نے لائسنس جاری نہیں کیا ہے وہ عارضی طور پر اے سی سے اجازت لے کر بار چلارہے ہیں، اس موقع پر فکرو خبر کے فوٹو جرنلسٹ زہیر قاسمجی نے چیف افسر سے یہ سوال کیا کہ جب اتنے سارے شکایات اور اعتراضات آپ کے سامنے پیش کئے جارہے ہیں تو اگلی کارروائی آپ کی جانب سے کیا ہوگی تو چیف افسر نے جواب دیا کہ کل بارہ بجے کے اندر بار کو نوٹس جاری کی جائے گی اور اگر آٹھ دن کے اندر بار بند نہیں کیا گیا تو قانونی طورپر بار کو مقفل کردیا جائے گا۔ واضح رہے کہ اس موقع پر یہاں جناب حسن شبربرماور، مولانا یاسر ندوی ؔ اور جناب امتیاز اُدیاور وغیرہ موجود تھے۔}