:09 اگست 2021(فکروخبر/ ذرائع)ٹدہلی ہائی کورٹ میں ایک درخواست دائر کی گئی، جس میں دہلی کے نانگل میں جنسی زیادتی کی شکار 9 سالہ دلت بچی کی شناخت ظاہر کرنے پر کانگریس کے رہنما راہل گاندھی کے خلاف ایف آئی آر درج کرنے کا مطالبہ کیا گیا تھا۔

ہم آپ کو بتا دیں کہ متاثرہ لڑکی کے والدین سے بات کرتے ہوئے راہل گاندھی نے ان کی تصویر ٹویٹ کی تھی۔

مکرند ماڈیلکر نے درخواست دائر کرتے ہوئے کہا کہ راہل گاندھی نے ٹویٹر پر متاثرہ لڑکی کی والدین سے ملاقات کے بعد اس تصویر اپ لوڈ کرکے جوینائل جسٹس ایکٹ اور پوکسو ایکٹ کی دفعات کی خلاف ورزی کی ہے۔

انہیں POCSO ایکٹ کے سیکشن 23 (2) کے تحت چھ ماہ سے ایک سال تک قید کیا جانا چاہیے، اس کے ساتھ ہی جوینائل جسٹس ایکٹ کی دفعہ 74 کے تحت ایف آئی آر درج کرنے کا مطالبہ کیا گیا ہے۔

واضح رہے کہ گزشتہ روز دہلی کے نانگل کے رہائشی ایک معصوم اپنے والدین سے پوچھ کر شمشان گراؤنڈ میں واقع واٹر کولر سے پانی لینے گئی تھی۔ تقریباً شام 6 بجے کے قریب، شمشان کے پجاری نے مقتول کے اہل خانہ کو بلایا اور لڑکی کی لاش دکھائی۔ پجاری نے بتایا کہ بچی کو کرنٹ لگنے سے موت ہوئی ہے۔