پیر پھسل کر ندی میں گرنے سے آٹھ سالہ لڑکا جاں بحق

  بیلتنگڈی 11 جنوری 2021 (فکروخبرنیوز/ذرائع) اپنے والدین کے ساتھ ددیہال آیا آٹھ سالہ لڑکا ندی میں پیر پھسل کر گرنے کے بعد ڈوب کر جاں بحق ہوگیا۔ مذکورہ لڑکے کی شناخت ایہان عبداللہ کی حیثیت سے کرلی گئی ہے۔ دراصل لڑکے کی دادی بیمار تھی اور اسے دیکھنے کے لیے فاروق ، اس کی اہلیہ عابدہ کاکنجے کے قریب چیبیدے پہنچے تھے۔

بتایا جارہا ہے کہ ندی کے کنارے کپڑے دھونے کے لیے پہنچے گھر کے دیگر افراد کے ساتھ ایہان بھی پہنچا تھا۔ کھیل کھیل میں اس کا پیر پھسل گیا اور وہ سیدھے ندی میں جاگرا۔ کچھ ہی دیر بعد اسے ندی سے نکال کر اسپتال لے جایا گیا لیکن راستے ہی میں اس نے اپنی آخری سانس لی۔

دھرمستھلا پولیس تھانہ میں معاملہ درج کرلیا گیا ہے۔