03 دسمبر 2020(فکرو خبر/ذرائع)امریکا میں ایک خاتون کو 5 دن پرانا کھانا، کھانا سخت مہنگا پڑ گیا اور اس کے ہولناک نتائج نے انہیں مہینوں تک اسپتال کے چکر لگوائے۔

مقامی میڈیا کے مطابق مذکورہ خاتون 5 دن پرانی سوشی کھانے کے بعد ہیلوسی نیشن، بے خوابی اور بے چینی کا شکار ہوگئیں۔

اس کا آغاز اس وقت ہوا جب وہ ایک رات دیر سے گھر پہنچیں اور انہیں احساس ہوا کہ انہوں نے سار دن کچھ نہیں کھایا، اس وقت تمام ریستوران بند ہوچکے تھے۔

انہوں نے اپنا فریج دیکھا تو اس میں سروس اسٹیشن سے خریدی گئی سوشی رکھی تھی جو انہوں نے 5 دن پہلے خریدی تھی، انہوں نے بھوک مٹانے کے لیے وہی کھالی۔

اس کے بعد وہ بے خوابی، بے چینی اور ہیلو سی نیشن کا شکار ہوگئیں اور ہر گزرتے دن کے ساتھ اس میں اضافہ ہوتا گیا، بعد ازاں انہیں معدے میں تکلیف کی بھی شکایت ہوگئی۔

وہ کئی ڈاکٹرز کے بعد گئیں اور بالآخر کئی ماہ تک مختلف ٹریٹ منٹس اور ٹیسٹس کے بعد انکشاف ہوا کہ ان کے معدے میں ایک عدد ٹیپ ورم (کیڑا) موجود ہے

ڈاکٹرز کے مطابق اس ٹیپ ورم نے ہزاروں انڈے دے دیے تھے، ٹیپ ورم کی غذا وٹامن تھی اور وہ خاتون کے جسم کے خلیے بھی کھا رہا تھا۔

ڈاکٹرز نے کیڑوں سے متعلقہ انفیکشنز کی صرف ایک دوا خاتون کو دی جس کے بعد خاتون صحت یاب ہونے لگیں۔