دبئی : 17 مئی 2020(فکروخبر/ذرائع)میونسپلٹی نے 18 مئی بروز پیر سے 70 پبلک پارکس کھولنے کا اعلان کر دیا۔

خلیجی میڈیا رپورٹ کے مطابق دبئی میونسپلٹی نے پیر سے 70 عوامی پارک کھولنے کی تصدیق کرتے ہوئے کہا ہے کہ کورونا وائرس سے بچاؤ کے لیے احتیاطی تدابیر کے تحت 15 مارچ سے بند کیے گئے پارک مرحلہ وار کھولے جارہے ہیں۔

ڈائریکٹر جنرل آف دبئی میونسپلٹی داؤد الحجیری کا کہنا ہے کہ میونسپلٹی نے عوامی پارکوں کو تین مرحلوں میں کھولنے کا فیصلہ کیا ہے، مرحلہ وار پارکوں کو کھولنے کے ساتھ ساتھ ان میں بتدریج سہولیات کی فراہمی، نگرانی اور احتیاطی تدابیر کی پیش رفت کا بغور جائزہ لیا جائے گا۔

ان کا کہنا ہے کہ پارک سروسز متعلقہ اتھارٹیز، پارٹنرز، اسٹیک ہولڈرز کی مشاورت اور ان کی معاونت کے بعد دبئی ہیلتھ اتھارٹی کی جانب سے فراہم کردہ ڈیٹا اور کورونا وائرس کی صورتحال میں بہتری کو مدنظر رکھتے ہوئے بحال کیا جارہا ہے۔

ڈائریکٹر کا کہنا ہے کہ 12 سے 18 مئی کے پہلے مرحلے میں پارکوں کے بیرونی ٹریک اور متعدد فیملیز اسکوائر کو کھولا گیا جب کہ 18 سے 25 مئی کے دوسرے مرحلے میں 70 پارکوں کو کھولا جارہا ہے جس میں تالاب والے پارک، قرآنک پارک اور دیگر شامل ہیں۔