تل ابیب:10/ مئی 2020(فکروخبر نیوز)جیسے ہی فلسطین میں کرونا کی وبا کا بحران شروع ہوا، اسرائیل اور انتہا پسند یہودی تنظیموں نے اس وبائی بیماری کو استعمال کرنے اور مسجد اقصی کے مقام اور مقدس مقام پر کے خلاف مختلف شکلوں  اور انداز میں اپنی سازشوں میں سرگرم ہوگئے۔

قابض پولیس نے اقصیٰ اور نمازیوں کے بارے میں اپنے طریقہ کار کو سخت کرنے کے لیے وائرس سے فائدہ اٹھانے کی کوشش میں اقصی کے کچھ حصوں کو بند کردیا۔

موقع سے فایدہ اٹھانے کے مطالبات

فروری کے وسط میں  ہیکل سلیمانی کے پرچارک گروپوں نے  مسجد اقصیٰ میں فجرعظیم  کیعنوان سے جاری مہم کے تحت مسجد اقصیٰ میں نماز کی ادائی پر پابندی عاید کرنے کا مطالبہ کیا۔

وزیر اعظم بینجمن نیتن یاھو کے 100 سے زیادہ افراد کے جمع ہونے سے روکنے کے اعلان کے ساتھ ہی اقصیٰ میں مسلمانوں کی نمازوں کے فیصلے پر عمل درآمد کرنے کے مطالبات بھی سامنے آنے لگے۔

اسرائیلی وزیر برائے داخلی سلامتی گیلاد اردن نے بھی قومی سلامتی کونسل سے مطالبہ کیا کہ وہ بیت المقدس میں کرونا کے کیسز سامنے آنے کے بعد مغربی کنارے کے فلسطینیوں کو اقصیٰ میں داخل ہونے سے روکے۔

اس تناظر میں، القدس انٹرنیشنل کارپوریشن کے نائب صدر ایمن زیدان نے اس بات پر زور دیا کہ قابض  صہیونی ریاست  مسجد اقصیٰ پراپنی گرفت مضبوط  کرنے اور کرونا کی وبا سے فائدہ اٹھا کر حرم قدسی پراپنا تسلط قائم کرنے کی منصوبہ بندی کررہا ہے۔

زیدان نے "مرکزاطلاعات فلسطین" کو ایک خصوصی انٹرویو میں کہا کہ اسرائیل نے مسجد کے اطراف میں مختلف سمتوں سے کرونا وبا کو استعمال کرنے کی کوشش کی ہے۔ اس کا نمایاں اثر اس وقت سامنے آیا جب فجر عظیم نماز کی مہم میں القدس اور غرب اردن کے فلسطینیوں کو قبلہ اول میں نماز فجر سے روک دیا گیا۔

انہوں نے وضاحت کی کہ مسجد اقصیٰ کی بندش کے آغاز سے ہی زبردست تشویش کا سبب یہ ہے کہ مسجد اقصی کی انتظامیہ کو بالخصوص نمازیوں  مرابطین کو مسجد کے معاملات سے دور رکھ کر کرونا کی بندشوں کو قبلہ اول کے حوالے سے  اپنے مذموم مقاصد کو آگے بڑھانے کی کوشش کی گئی۔

سخت طریقہ کار

مسجد اقصیٰ کی بندش کے دوران قابض اسرائیل کے اٹھائے جانے والے نمایاں ترین اقدامات کے بارے میں زیدان نے بتایا کہ اسرائیل نے مسجد کے دو دروازوں اسباط اور السلسلہ کے سوا محافظوں اور اوقاف ملازمین کے سامنے تمام دروازے بند کرنے کا فیصلہ کیا۔ ان دروازوں پربھی اسرائیلی پولیس کی بھاری نفری تعینات کی گئی تھی جو فلسطینیوں کے مسجد میں داخلے کو روکنے کے لیے طاقت کے استعمال سمیت تمام حربے استعمال کررہی تھی۔

انہوں نے نشاندہی کی کہ  باب المجلس القدس میں اسلامی محکمہ اوقاف کو الگ تھلگ کرنے کے لیے بند کردیا گیا تھا  جس کے نتیجے میں مسجد اقصیٰ کے اندر محکمہ اوقاف کے لیے داخلہ میں داخلہ مشکل بنا دیا گیا۔ سنہ 1967ء کی جنگ کے بعد اسرائیل نے ہمیشہ یہ کوشش کی ہے کہ محکمہ اوقاف کے ملازمین کے دفاتر اور مسجد اقصیٰ کو الگ الگ رکھا جائے۔

انہوں نے کہا کہ صہیونی ریاست نے ان انتظامی اعدادوشمار سے معلومات طلب کرنے کی کوشش کی ہے جو اس کی انتظامی حیثیت کے مطابق تھے۔  مسجد اقصیٰ کے نمازیوں سے خالی ہونے کے باوجود صہیونی فوج اور پولیس کی بھاری نفری کی وہاں پر تعیناتی ظاہر کرتی ہے کہ اسرائیل ایک سوچے سمجھے منصوبے کے تحت کرونا کی وبا کو قبلہ اول پراپنا تسلط قائم کرنے کے لیے استعمال کررہا ہے۔

اگرچہ کرونا کی وبا کی وجہ سے فلسطینی علماء اور محکمہ اوقاف نے مسجد میں ماہ صیام کے دوران عبادات نہ کرنے کا اعلان کیا تھا۔ مگر اس کے باوجود یہودی آباد کاروں کو وقفے وقفے سے قبلہ اول میں داخل ہونے اور انہیں مذہبی رسومات کی آڑ میں اشتعال انگیزی کی اجازت دی گئی تھی۔