نیتن یاھو اور بینی گینٹز کے شراکت اقتدار فارمولے کی منظوری

مقبوضہ بیت المقدس 27 اپریل 2020(فکروخبر/ذرائع )اسرائیل کے عبرانی ذرائع ابلاغ کے مطابق کنیسٹ (پارلیمنٹ) نے لیکوڈ پارٹی کے سربراہ بنجمن نیتن یاھو اور بلیو وائیٹ اتحاد کے صدر بینی گینٹز کے درمیان طے پائے شراکت اقتدار فارمولے کی منظوری دے دی ہے۔ اس فارمولے کے تحت نیتن یاھو اور بینی گینٹز باری باری وزارت عظمیٰ کا منصب سنھبالیں گے اور اپنی مرضی کی کابینہ تشکیل دیں گے۔

خیال رہے کہ حال ہی میں طویل کشاکش اور سیاسی محاذ آرائی کے بعد نیتن یاھو اور بینی گینٹز شراکت اقتدار کے ایک فارمولے پرمتفق ہوئے تھے۔

عبرانی اخبار'ہارٹز' کے مطابق نیتن یاھو اور گینٹز کے درمیان شراکت اقتدار کے فارمولے کے حوالے سے کنیسٹ میں ایک بل پیش کیا گیا تھا۔ کنیسٹ نے واضح اکثریت کے ساتھ اس بل کی منظوری دے دی۔ اس فارمولے کے تحت دونوں رہ نما باری باری حکومت سازی کریں گے۔