لیبیا سے نقصان پہنچا تو جوابی کارروائی کریں گے، ترک حکومت

 ترک مفادات یا بحری جہازوں پر حملے کی صورت میں خلیفہ حفتر کو بھاری قیمت چکانا پڑے گی،وزیردفاع

انقرہ:یکم جولائی2019(فکروخبر/ذرائع)ترک حکومت نے واضح کیا ہے کہ لیبیا میں اگر ترک مفادات کو خلیفہ حفتر کی جانب سے کوئی بھی نقصان پہنچایا گیا، تو اس کا بھرپور اور مناسب جواب دیا جائے گا۔غیرملکی خبررساں ادارے کے مطابق ترک وزیر دفاع حولوصی آکار نے کہاکہ ترک مفادات یا بحری جہازوں پر حملے کی صورت میں خلیفہ حفتر کو بھاری قیمت چکانا پڑے گی۔ ترکی کا یہ انتباہ طاقتور جنگی سردار خلیفہ حفتر کے اس بیان کے جواب میں ہے، جس میں لیبیا میں ترک مفادات پر حملے کرنے کا کہا گیا تھا۔ حفتر کا یہ بھی کہنا تھا کہ ترکی نے طرابلس کے باغیوں کو مدد فراہم کی تھی، جس کی وجہ سے انہیں ناکامی کا سامنا کرنا پڑا۔